Read Pohnpeian Sohp 15 Bible Online

Sohp 15 - Pohnpeian bible

Sohp 15

¹Sohp, sohte audepen omwi lokaia kan!

²Sohp, sohte audepen omwi lokaia kan!

³Sohte aramas loalokong men pahn patohwanda soahng kan me komw patohwandahr de doarehkihla pein ih soangen lokaia sawehwe kan.

⁴Ma iei duwen omwi koasoandien men, sohte emen pahn masak Koht; sohte me pahn kapakapohng.

⁵Omwi mour suwed sansalkidahr dahme komw koasoia; komw songosong en rirla pahn omwi koasoi en loalokong kan.

⁶Sohte anahnepen I en kadeingkomwihda; pein komwi kadeingkomwihda sang ni omwi koasoi kan koaros.

⁷Komw lemeleme me komwi tepin aramas me ipwidi nan sampah? Komw iang pato wasao ni ahnsou me Koht ketin kapikada nahna kan?

⁸Komw rong duwen sapwellimen Koht koasoandi kan? Komwi kelehpw me ahneki kupwurokong en aramas?

⁹Sohte mehkot me komwi ese me se sehse.

¹⁰Se padahngki at kupwurokong sang rehn me mah kan-% sang rehn me ipwidi mwohn semomwio.

¹¹Koht kupwurki koaloalamwahwih komwi; a dahme komw soikikihla? Se kin koasoi ni mwaren Koht ni ngihl mwahu, oh meleilei.

¹²Dahme komw mwekidkidahr oh kangkakil kin kiht ni lingeringer.

¹³Komw lingeringerdahr pahn Koht oh kadeikadahr.

¹⁴Mie aramas emen me uhdahn mwakelekel? Mie emen me kak pwung mwohn silangin Koht?

¹⁵Koht sohte pil kin ketin likih sapwellime tohnleng kan; pwe irail pil sohte kin mwakelekel mwohn silangi.

¹⁶Oh aramas kin tungoalehla suwed duwehte pihl; ei, aramas ohlahr; sohte katepen aramas.

¹⁷Eri rong, Sohp, I pahn koasoia dahme I ese.

¹⁸Aramas loalokong kan padahkihongieier me mehlel me re padahngkiher sang samarail ko, oh re sohte ekihla mehkot rir.

¹⁹Sohte mehn liki kousoan nan sapwarailo; sohte emen me kahluwairail sang pahn kupwur en Koht.

²⁰Aramas suwed me kin kaloke meteikan pahn lokolok erein eh mour.

²¹Ngihl kamasepwehk pahn peipeidohng nan salenge, oh sounpirap akan pahn kauwehla ni eh lemeleme me e nsenamwahu.

²²Sohte eh koapworopwor en pitsang nan rotorot, mie kedlahs awiawih wasa kis pwehn kemehla,

²³oh menpihr toantoal en nan sapwtehn kan awiawih pwe re en kangala paliwere. E wehwehki me rahn kohkohdo kan en eh mour me rotorot;

²⁴kahpwal, me rasehng nanmwarki manaman emen, awiawih pwehn mahweniong ih.

²⁵Met iei pwais en aramas me kin rokepene kumwuti ong Koht oh uhwong Wasa Lapalahpie.

²⁶Aramas meno me aklapalap oh kahngohdi; e kin keptakaila kolokol nah mehn sansar oh kin mwadangalahng peiong Koht.

²⁷Aramas meno me aklapalap oh kahngohdi; e kin keptakaila kolokol nah mehn sansar oh kin mwadangalahng peiong Koht.

²⁸Met iei aramas emen me kin kalowehdi kahnimw kan oh kalowehdi ihmw akan me towe kan tangehrdoaui, ahpw mahwen pahn kamwomwala kahnimw pwuko oh ihmw akan.

²⁹E sohte pahn kepwehpwe ahnsou reirei; eh kepwe kan pahn mwadang sohrasang. Pil mwetehn paliwere nan pwehl pahn sohrala,

³⁰oh e sohte pahn pitsang rotorot. E pahn rasehng tuhke pwoat me kisiniei karongelahr rah kan, me kisinieng ipirasangehr wah kan.

³¹Ma e pahn pweipwei oh likihala suwed, eri, suwed pahn wiahla ketingpe.

³²Mwohn eh rahn akan eh pahn leledo, e pahn sohrala, sohrala rasehng rahntuhke me sohte kak pwurehng wosada.

³³E pahn rasehng tuhkehn wain me wah pwul kan pwupwudihsangehr; rasehng tuhkehn olip me wah kan mweredihsangehr.

³⁴Sohte pahn kadaudok en aramas akan me sohte ar Koht, oh kisiniei pahn kamwomwala imwen aramas me kin pwainda mehkot ni ahl sapwung.

³⁵Ih soangen aramas pwukat me kin wiahda koasoandien kahpwal oh suwed; nan mohngiongirail kin diren mwersuwed ahnsou koaros.