Read Pohnpeian Sohp 16 Bible Online

Sohp 16 - Pohnpeian bible

Sohp 16

¹I rongehr soangen lokaia kan mahs; kansenamwahu me kumwail kihong ie, wia lokolok ehu rehi.

²I rongehr soangen lokaia kan mahs; kansenamwahu me kumwail kihong ie, wia lokolok ehu rehi.

³Kumwail pahn wie koasoakoasoi kohkohlahte? Sohte pahn imwin amwail koasoi kan?

⁴Ma kumwail me mi nan dewei, a ngehi nan dewemwail, I kak koasoia mehkoaros me kumwail koasoakoasoia. I kak itikala moangei ni mwomwen loalokong oh kapwilewei ei koasoi.

⁵I kak kakehlakahkin kumwail ei kaweid oh wiewia koasoi kansenamwahu ong kumwail.

⁶Ahpw ei koasoi kan sohte kak wia mehn sawas, oh ei nennenla sohte kameleileidi ei medek.

⁷Maing Koht, komwi ketin katioweielahr; komwi ketin mweidohng ei peneinei en mehla.

⁸Komwi ketin koliedier; komwi me ei imwintihti. Tih oh kiliet me luhwehdi, oh aramas kin wiahki me met iei kadehdehpen dipei.

⁹Koht ketin dapengpeseng paliwerei nan sapwellime engieng; e kin ketin kamoakamoale ie nan sapwellime engieng.

¹⁰Aramas kin kepitkin ie; re kin kapiliepene oh pohr meseiet.

¹¹Koht ketin mweidielahr nan pehn aramas suwed kan.

¹²Mahs I kin momour ni popohl, ahpw Koht ketin koledier tepinwerei oh wokih ie oh kauweiehla. Koht ketin wiahkin ie wasahn sosohng en kesik

¹³oh kin ketin kadarodohng ie arep sang wasa koaros-% arep me kin lel ie oh kauweiehla; ahpw e sohte kin ketin poakeiehla.

¹⁴E kin ketin kauweiehla pak tohto; e kin ketin kasikih ie duwehte sounpei men me sahlielkilahr eh lingeringer.

¹⁵I kin mwahiei oh likawih likoun nsensuwed, oh lohdier oh mwomwohd nan pwelpar.

¹⁶I sengisengehr lao poaren mesei kat weitahtahla, oh poaren mesei kat mpwospeseng oh toal pahn kilin mesei kat,

¹⁷ahpw I sohte dipikihda mwekid suwed ehu, oh ei kapakapohng Koht me mehlel.

¹⁸Oh Sampah, ke dehr ekihla sapwung kan me wiawihong ie! Ke dehr mweidohng ngilen ei peki sawas en pwuhng en nennenlahte!

¹⁹Mie emen me ketiket nanleng me pahn iangiehla oh uhpalihkin ie.

²⁰Kompoakepahi kan kin kepitkin ie; poaren mesei kin kakerehdi pilen mesei ong Koht.

²¹I men emen en sewese ie rehn Koht, duwen aramas emen eh kin pekipeki sawas ong kompoakepah.

²²Ei sounpar akan samwalahr, oh I alialu nan ahlo me sohte me kin pwurala mwuri.