Read Pohnpeian Sohp 21 Bible Online

Sohp 21 - Pohnpeian bible

Sohp 21

¹Rong dahme I ndinda; ihte soangen kansenamwahu me I peki sang rehmwi.

²Rong dahme I ndinda; ihte soangen kansenamwahu me I peki sang rehmwi.

³Mweidohng ie mahs I en koasoi oh mwuhr, ni ei pahn kaimwisakala ei koasoi, kumwail nek kouruhrkin ie.

⁴Ei akupwung kaidehn ong aramas; mie kahrepe ehu me I solahr kak nennekihla.

⁵Kumwail kilang ie. Met sohte itar kumwail en kilikilang oh nennenkihla amwail pwuriamwei?

⁶Ni ei kin medemedewe dahme wiawihong ie, I kin pwuriamweila, oh rerrerki ei masak.

⁷Dahme Koht kin ketin mweidikihong aramas suwed kan en momour, mweidohng irail en mour werei oh paiamwahu?

⁸Re neitik seri oh neirail seri kan pil neitik, oh re kin momour pwe re en kilang irail ni ar kekeirda.

⁹Koht sohte kin ketikidohng kahpwal nan imwarail kan; re sohte kin ahneki mour kamasepwehk.

¹⁰Ei, neirail kou kan kin kaparapar oh neitik ni sohte kahpwal.

¹¹Neirail seri kan kin tangseli oh mwadongseli rasehng sihmpwul kan

¹²oh kahlengki ngilen arp oh keseng pepeuk kan.

¹³Re kin momour ni popohl oh mehla sohte lokolok.

¹⁴Me suwed kan kin patohwanohng Koht en dehr ketin kedirepwe irail; re sohte kin men ese kupwure ong irail.

¹⁵Re kin medemedewe me sohte anahnepen re en papah Koht, oh pil sohte kamwahupen ar pahn kapakapohng.

¹⁶Re kin kosekose me dene re pweida sang ni pein ar kehl, ahpw I sohte kak pwungki arail lamalam.

¹⁷Marain en me suwed akan kin kak kunla? Mie emen irail kin lelohng apwal? Koht kin ketin kaloke me suwed akan nan sapwellime engieng

¹⁸oh ipirirailla rasehng dihpw meng nan kisinieng, de pwelpar nan melimel?

¹⁹Kumwail kin kosekose me Koht kin ketin kaloke seri men pwehki dipen eh pahpa. Soh! Koht en ketin kalokehki me dipan akan pein diparail kan; en ketin kasalehda me e wia met pwehki diparail kan.

²⁰Me dipan akan en pein toutoukihla ar lokolok; re en pein pehm engieng en Koht Wasa Lapalahpie.

²¹Ni mour en aramas emen eh imwiseklahr, ia duwe, e kin nsenohki ma nah seri kan nsenamwahu?

²²Mie aramas emen kak padahkihong Koht mehkot, Koht me pil kin ketin kapwung me lapalap akan?

²³Ekei aramas kin kekehlailte lao lel rahn me re kin mehla; re kin mehla ni nsenamwahu oh meleilei, paliwararail kan kin kaselelki mwenge mwahu.

²⁴Ekei aramas kin kekehlailte lao lel rahn me re kin mehla; re kin mehla ni nsenamwahu oh meleilei, paliwararail kan kin kaselelki mwenge mwahu.

²⁵Ekei sohte kin nsenamwahu; re kin momour oh mehla nan ar kapehd toutou.

²⁶Ahpw koaros duwepenehte me kin mehla oh seridi; irail koaros mwahs kin kadirehla paliwararail.

²⁷I ese amwail lamalam suwed kan.

²⁸Kumwail kin idek, “Ia imwen ohl lapalapo met, ohl me kin wia me suwedo?”

²⁹Kumwail koasoiengehr aramas akan me kin seiloak? Kumwail sohte ese pakair kan me re kin wa kohdo?

³⁰Ni rahn me Koht kin ketin kaloke aramas akan nan sapwellime engieng, me suwed kan kin pitla ahnsou koaros.

³¹Sohte me kin kedipa aramas suwed, de dupukohng mehkoaros me e wiadahr.

³²Ni eh kin wisiklahng wasahn seridi en me melahr akan, ong ni eh sousou me silasil mwahu,

³³kapar en aramas ngeder kin iang kolahng ni sousowo, oh e pil kin wonohn nan pwehl mwuterek.

³⁴Oh kumwail! Kumwail song en kansenamwahwihkin ie lokaia mwahl! Pasapeng koaros me kumwail wia me likamw!