Read Pohnpeian Sohp 22 Bible Online

Sohp 22 - Pohnpeian bible

Sohp 22

¹Mie aramas emen, me pil keieu loalokong, me pahn mie katepe ong Koht?

²Mie aramas emen, me pil keieu loalokong, me pahn mie katepe ong Koht?

³Omwi wiewia pwung wia kamwahu ong Koht, de omw wiewia mwahu kin sewese?

⁴Kaidehn pwehki omwi lemmwiki Koht me e ketin kapwungkin komwi oh ketikinkomwilahng mwoalen kopwung.

⁵Soh, ahpw pwehki omwi dipadahr kowahlap; oh pwehki soahng suwed kan koaros me komw wiadahr.

⁶Pwehn kak kapwungala en riomwo eh pweipwand ong uhk, komw kihsang eh likou kan oh sohte ehu luhwe me en likawih.

⁷Komw sohte men kanampile irail kan me pwangadahr, oh kahng kamwenge irail kan me duhpeklahr.

⁸Komw doadoahngki omwi manaman oh wahu pwe komwi en sapwenikihla sahpwo pwon.

⁹Kaidehnte liohdi kan me komw kahng sewese, ahpw komw pil pirapa oh wiakauwe me sepwoupwou kan.

¹⁰Eri met, lidip tohto me kapilkomwipenehr, oh komw ahpw mwadangete masepwehkada.

¹¹E inenen rotorotalahr oh komw solahr kak patohwan wasa, oh lapake ehu koaduhpwalkomwidier.

¹²Koht soh kin ketiket nanleng ileile kan oh mahsendiong pohn usu kan, mehndahte ar ileilehie?

¹³Oh met komw ahpw kalelapak, “Dahme Koht mwahngih? Depwek kan kin karirihala ih-ia duwen e kak ketin kapwungohng kitail?”

¹⁴Komw medemedewe me depwek mosul kan kin perehla pwe en dehr mahsanih wasa, nindokon eh kin ketiketseli pahnlahng.

¹⁵Komw koasoanedier komwi en alu nan ahl akan me aramas suwed kan kin keid ie ahnsou koaros?

¹⁶Mwohn ar ahnsou eh kin leledo re kin peila nan lapake.

¹⁷Ih soangen aramas pwukat me kin soikala Koht oh kamehlele me sohte mehkot me e kak ketin wiahiong irail.

¹⁸Ahpw iet pwe Koht me kin ketikihong arail pai-% I sohte kak wehwehki lamalam en me suwed akan.

¹⁹Aramas mwahu kin nsenamwahu oh aramas mwakelekel kin kouruhr ni ar kin kilang me suwed akan ar kin ale lokolok.

²⁰Mehkoaros me aramas suwed kin ahneki kin mwomwla, oh kisiniei kin isikala mehkoaros me luhwe.

²¹Eri, Sohp, peki mahk pahn kupwur en Koht oh tokedihsang wiahki ih omw imwintihti; ma komw pahn wia met, e ahpw pahn ketin kupwuramwahwihkomwihla.

²²Ale sapwellime padahk kan; oh kolokol sapwellime mahsen kan nan kapehdomw.

²³Ei, komw pahn akitikitikla oh sohpeiong Koht oh tokedihsang suwed koaros me kin wiewiawi nan imwomw.

²⁴Kesehla noumw kohl koaros; keselahng noumw kohl me keieu kaselel nan warawar en pihl madada kan.

²⁵Koht Wasa Lapalahpie en wiahla noumw kohl, oh en wia noumw koasoakoasoak en silper.

²⁶Komw ahpw pahn likih Koht ahnsou koaros oh diarada me iei ih me poahsoan en omw peren.

²⁷Ni omwi pahn kapakap, e pahn ketin sapeng komwi, oh komw pahn kapwaiada inou kan me komw wiadahr.

²⁸Komw ahpw pahn pweida ni mehkoaros me komw pahn wia, oh marain pahn daker nan elomw.

²⁹Koht kin ketin kasapwilidi me aklapalap akan oh kin ketin doarehla me aktikitik kan.

³⁰E pahn ketin kapitkomwihla ma komw mwakelekel, ma omwi wiewia pahn pwung.