Read Pohnpeian Sohp 27 Bible Online

Sohp 27 - Pohnpeian bible

Sohp 27

¹I kahukihla ni mwaren Koht Wasa Lapalahpie me ketin ieias, me ketin soikala ei pwung oh ketikihong ie nan nsensuwed laud-%

²I kahukihla ni mwaren Koht Wasa Lapalahpie me ketin ieias, me ketin soikala ei pwung oh ketikihong ie nan nsensuwed laud-%

³erein Koht eh pahn ketin kupwurehkin ie engin mour,

⁴kilin eweiet sohte pahn patohwan mehkot suwed, loweiet sohte pahn likamw.

⁵I sohte pahn koasoia me kumwail aramas pwung; I pahn keptakaila koasoakoasoia ei mwakelekel lao lel rahn en ei mehla.

⁶I sohte pahn tokedihsang ei repenpwungki ei pwung; pwe kadeikpen loalei me mwakelekel.

⁷Irail kan koaros me uhwong ie en ale lokolok duwehte me suwed akan, me sohte pwung kan.

⁸Ia koapworopwor en aramas akan me sohte ar Koht ni ahnsou me Koht pahn ketin malipeirail?

⁹Ni ahnsou apwal eh pahn lelohng irail, ia duwe, Koht pahn ketin karonge ar likwer?

¹⁰Re uhdahn pahn inengieng soangen peren kan me Koht kin ketikihda; re uhdahn pahn poaden kapakapohng.

¹¹Mweidohng ie I en padahkihong kumwail uwen lapalap en sapwellimen Koht manaman, oh kawehwehda dahme Koht Wasa Lapalahpie ketin koasoanedier.

¹²Ahpw soh, pwe pein kumwail kilangehr; eri, dahme kumwail wiewiahki lokaia mwahl? Sopahr

¹³Met iei duwen Koht Wasa Lapalahpie eh kin ketin kaloke me suwed, sounkam aramas akan.

¹⁴Ele re pahn neitik pwutak tohto, ahpw irail koaros pahn mehla nan mahwen; kisin mwenge sohte pahn itarohng neirail seri kan.

¹⁵Irail kan me pahn pitla pahn mehkihla soumwahu, oh arail pwoud kan sohte pahn mwahieikin irail.

¹⁶Me suwed akan pahn naineki silper tohto me sohte kak wadawad oh arail likou pahn depasang uwen me aramas kin anahne;

¹⁷ahpw ekei aramas mwahu me pahn likawih likou ko, oh ekei aramas mehlel me pahn nainekihla silper ko.

¹⁸Me suwed kan kin kauwada ihmw rasehng pesen likan de rasehng imwen kersapw.

¹⁹Ehu rahn re pahn wendi nan arail kepwe kan, oh ni ar pahn pirida, arail kepwe kan pahn sohralahr.

²⁰Apwal mwuledek pahn lelohng irail rasehng lapake; kisinieng en nipwong pahn ipirirailla;

²¹kisinieng en palimese pahn ipirirail sang nan imwarail kan;

²²e pahn ipirirail ni mwuledek nindokon ar pahn nannantihong en tangdoaui.

²³Kisinieng pahn pwakih irail nindokon ar pahn tangatang, kamakamasak kin irail manaman en kamwomwala wasa.