Read Pohnpeian Sohp 3 Bible Online

Sohp 3 - Pohnpeian bible

Sohp 3

¹Mwurin met Sohp ahpw tapihada lokaia oh keriahla rahn me e ipwidi. Sohp

²Maing Koht, komw ketin keriahla rahn me I ipwidio; komw ketin keriahla pwohng me I tepin wiawihda nan kapehd en inei.

³Maing Koht, komw ketin keriahla rahn me I ipwidio; komw ketin keriahla pwohng me I tepin wiawihda nan kapehd en inei.

⁴Maing Koht, komw ketin kawekiong ni rotorot rahno. Komw dehpa mwahn pwurehng tamanda rahno, de mweidohng marain en dakerada.

⁵En wiahla rahnen pahtou oh rotorot mosul; depwek kan en kipehdi oh perehla marain en ketipin.

⁶Komw ketin irisasang pwohngo ni wadawad en sounpar oh sounpwong kan;

⁷oh ketin wiahkihla pwohng tehn ehu, me sohte kak kahrehda kisin kansenamwahu kis!

⁸Komw mahsanihong sounwunahni kan re en keriahla rahno, irail kan me kak kamwakid Lepaiadan.

⁹Komw katokihedi usuhn rahn pwe en dehr daker wasa; komw dehr mweidohng pwohngo en marainpeseng.

¹⁰Komw ketin keriahla pwohngo pwehki eh mweidohng I en ipwidi, pwehki eh mweidohng I en mihla nan apwal oh nsensuwed.

¹¹Mehnda I seu mehlahte nan kapehd en ineio, de ni ahnsou me I ipwidiohte?

¹²Dahme ei nohno kamwaitkiniehda pohn kepeo, de kadihdikiniehda pilen eh dihdi?

¹³Ma I mehlahte ahnsowo, I komkommoalier met,

¹⁴oh I memeirier duwehte nanmwarki oh kaunen sampah kan, me kin kauwada sapahl tehnpasarail mering kan.

¹⁵Ngehi eri kommoaldier duwehte soupeidi kan me kin kadirehkihla tehnpasarail kan kohl oh silper,

¹⁶duwehte seri mehla men mwohn eh ipwidi.

¹⁷Nan sousou iei wasa me aramas suwed kan kin katokihedi ie ar suwed, oh me toutoulahr akan kin kommoaldi ie.

¹⁸Pil wasao tohn imweteng kan kin diar ie popohl, re sohte kin rong wasao ngihl keses en sounkamakam.

¹⁹Me lapalap oh me tikitik kan kin mihmi wasao, koaruhsie duwepenehte, oh lidu kan wasao pil saledeksang ar kaun akan.

²⁰Dahme e mweimweikihong mouren aramas akan en paisuwedla? Dahme re pahn alehki kamarainparail nan ar nsensuwed?

²¹Re kin awiawihodo mehla, e ahpw sohte kin leledo; re kin mwohneki sousou ehu sang dipwisou kesempwal kan.

²²Re sohte kin diar nsenamwahu, re lao kin mehla oh nanpweldi;

²³Koht ketin karirihala sang irail dahme pahn kohdo, oh pil ketin kapilirailpene oh keleiraildi.

²⁴I sohte kin kangkang pilawa, ihte ahi nsensuwed, oh I sohte kin tokedihsang ei weirek.

²⁵Mehkoaros me I kin masak de lemmwiki, kin pweida rehi.

²⁶I sohte kak ahneki popohl, de kommoal, oh ei apwal sohte kin tokedi.