Read Pohnpeian Sohp 34 Bible Online

Sohp 34 - Pohnpeian bible

Sohp 34

¹Aramas ekei kumwail en me inenen loalokong oh koahiek; kumwail rong dahme I koasoakoasoia.

²Aramas ekei kumwail en me inenen loalokong oh koahiek; kumwail rong dahme I koasoakoasoia.

³Kumwail kin ese kisin tungoal mwahu ni amwail kin tungoale, ahpw kumwail sohte kin ese mahsen en kupwurokong ni amwail kin rong.

⁴Eri, kitail me pahn pein kapwungala repenpwung wet.

⁵Sohp kosekose me ih ohl mwakelekel men, ahpw dene Koht sohte ketikihong eh tungoal pwuhng.

⁶E ahpw kalelapak, “Ia duwen ei kak likamw oh koasoia me ngehi me sapwung? I ohlahr kowahlap, ahpw sohte dipei.”

⁷Mie aramas emen duwehte ohl menet, Sohp? E sohte mwahn kin kasalehda eh wauneki Koht.

⁸E kin perenki iang aramas suwed kan oh ieiangseli me dipan akan.

⁹E kin koasoia me sohte katepen eh pahn idawehn kupwur en Koht.

¹⁰Kumwail rong ie, kumwail aramas akan me dehdehki! Koht Wasa Lapalahpie kak ketin wiahda sapwung?

¹¹E kin ketin katingiheki aramas akan dahme re kin wia oh ketin pwainohng irail duwen me konehng.

¹²Koht Wasa Lapalahpie sohte kin ketin wia me suwed; e sohte kin ketin kupwur sapahrek ong emen.

¹³Ia duwe, Koht kin ketin ale sapwellime manaman sang rehn emen tohtohr? Mie emen me patohwanohng en ketin apwahpwalih sampah?

¹⁴Ma Koht pahn pwurehng ketikihsang engin mour,

¹⁵eri, me mour koaros pahn mehla oh pwurehng wiepwella.

¹⁶Eri, komw karonge ie, ma komw me loalokong.

¹⁷Komw kadekadeik sapwellimen Koht pwung? Komw medemedewe me e kin ketin kalahdeki pwuhng?

¹⁸Koht kin ketin kadeikada nanmwarki kan oh kaun akan ma re suwed oh sohte kateparail.

¹⁹E sohte kin ketin uhpalihki kaun akan de uhki me kepwehpwe kan sang me semwehmwe kan, pwehki ih me ketin kapikada aramas koaros.

²⁰Aramas emen kakete mehla karuaru nipwong. Koht kin ketin kaloke aramas, re ahpw kin sohrala; e kin mengeiong ih en ketin kemehla me lapalap akan.

²¹E kin ketin mwasamwasahn kahk koaros me aramas kin wia.

²²Sohte rotorot ehu me kak ekihsang aramas dipan emen mwohn silangin Koht.

²³Koht sohte kin ketin kilelehdi ahnsou ehu pwe aramas akan en patohla pahn kupwure oh ale kopwung.

²⁴E sohte ketin anahne roporop ehu en wiawi pwehn ketikihsang kaun akan nan dewerail oh wiliankihdi ekei.

²⁵Pwehki e ketin mwahngih dahme re wiewia; e kin ketin keseirailla oh tiakirailpeseng nipwong.

²⁶E kin ketin kaloke me dipan akan wasa me aramas koaros kak kilang,

²⁷pwehki ar kin sohpeisang oh soikala sapwellime kosonned kan koaros.

²⁸Re idingohng me semwehmwe kan en likweriong Koht, oh e ketin karonge ar likwer en pek sawas.

²⁹Ma Koht pahn ketin kupwurehda en dehr wia mehkot, sohte emen kak kasapwunge ih. Ma e pahn ketin karirihala silangi, e pahn sohla sawasepen aramas.

³⁰Sohte mehkot me wehi kan kak wia pwe re en doareirailsang pahn kehnaudek en aramas akan me sohte ar Koht.

³¹Sohp, komw sakarkidahngehr Koht dipomwi kan oh inoukihda me komw solahr pahn pwurehng wiahda dihp?

³²Komw peki rehn Koht en ketin kasalehiong komwi omwi sapwung kan, oh komw inoukihda me komw pahn tokedihsang wiewia me suwed?

³³Pwehki omwi sohte pwungki dahme Koht ketin wia, eri, komw kasik en ketin kapwaiada dahme komw anahne? Komwi me pahn wiewia met, kaidehn ngehi; eri, komw koasoiaiong kiht met dahme omwi lamalam.

³⁴Aramas koaros me mie ar lamalam pahn pwungki; aramas loalokong men me pahn rong ie pahn koasoia

³⁵me Sohp koasoakoasoi sang nan eh sawehwe oh mehkoaros me e koasoia me sawehwe.

³⁶Kumwail medemedewe mehkoaros me Sohp koasoia; kumwail pahn tehk pwe eh koasoi kan mwomwen koasoi en aramas suwed.

³⁷E kapatahiong dipe kan kahngohdi; e ahpw lahlahwe Koht mwohtail koaros.