Read Pohnpeian Sohp 35 Bible Online

Sohp 35 - Pohnpeian bible

Sohp 35

¹Sohp, me sapwung omwi kin patohwan me komwi mwakelekel mwohn silangin Koht,

²Sohp, me sapwung omwi kin patohwan me komwi mwakelekel mwohn silangin Koht,

³de kalelapak rehn Koht, “Dahme dipei kan wiahiong komwi? Dahme I pahn paiehki ma I sohte wiahda dihp?”

⁴I pahn pil sapeng komwi oh kompoakapahmwi kan.

⁵Kumwail kilengdawohng pahnlahng! Kilang uwen ileile en depwek kan!

⁶Ma kumwail pahn wia dihp, e sohte kin kauwehla Koht. Ma kumwail wiahda sapwung pak tohto, met mie katepe ong Koht?

⁷Omwi pwung kin sewese Koht? Sohte mehkot me Koht kin ketin anahne sang rehmwi.

⁸Mehn mpomw me kin lokolongki dipomw kan, oh kamwahu me komw kin wia me kin sewesehda.

⁹Ni ahnsou me aramas kin lokolok, re kin sengiseng; re kin peki emen en doareirailla.

¹⁰Ahpw re sohte kin sohpeiong Koht, me ketin wiairailda, me kin ketikihong irail koapworopwor nan arail ahnsou apwal.

¹¹Re sohte kin sohpeiong Koht, me kin ketikihong kitail kupwurokong, pwe kitail en loalokong sang mahn de menpihr.

¹²Re kin peki sawas, ahpw Koht sohte kin ketin sewese irail, pwehki ar aklapalap oh suwed.

¹³Sohte katepen arail pahn likwer oh peki sawas; Koht Wasa Lapalahpie sohte pahn ketin karonge de mahsanih irail.

¹⁴Sohp, komw patohwan me komwi sohte kak patohwan Koht; ahpw kanengamah awiawih-omwi repenpwung miher mwohn silangi.

¹⁵Komw medemedewe me Koht sohte pahn ketin wia sapwellime kalokolok, ma e sohte kin ketin tehk mwahu dihp.

¹⁶Sohte katepen omwi pahn usehla omwi koasoi kan; e sansal me komw sohte wehwehki dahme komwi koasoakoasoia.