Read Pohnpeian Sohp 4 Bible Online

Sohp 4 - Pohnpeian bible

Sohp 4

¹Maing Sohp, komw seu pahn nsensuwedkihla ma I koasoiong komwi? pwe I solahr kak nennenla.

²Maing Sohp, komw seu pahn nsensuwedkihla ma I koasoiong komwi? pwe I solahr kak nennenla.

³Komwi me ketin padahkier aramas tohto, oh pil kakehlahda pehn aramas luwet akan.

⁴Ni emen eh kin dipekelekelki eh pwangadahr oh luwetalahr, omwi mahsen kan me kin koangngoangehki en uhda.

⁵A met, ni apwal eh lelohng komwiher, komw ahpw sohte kakohng oh kanengamahiong.

⁶Komw kin pwongih Koht oh omwi mour me mwakelekel mahso, eri met, komw pahn likih oh koapworopworki.

⁷Tamanda mahso. Mie aramas pwung men me lekdeklahr?

⁸I kilangehr aramas me kin padok me suwed, oh kamwarak me suwed, rasehng werentuhke nanpwel, duwen ar kin dolung suwed en ar wiewia kan.

⁹Koht kin ketin kamwomwkinirailla sapwellime engieng, rasehng melimel ehu.

¹⁰Me suwed akan kin weriwer oh wie ngiringir, rasehng laion kan, a Koht kin ketin katokeiraildi oh ketin kauwehla ngihrail kan.

¹¹Re kin mehla oh neirail seri kan koaros kin tangpeseng, rasehng laion me sohte kin seike me en kang.

¹²Pak ehu ngiletik en mahsen pwoat ahpw peidohng ie, ngehi eri kerenieng sohte kak rongada.

¹³Likamwete ouraman ehu me kauwehla ei meir.

¹⁴Masak ahpw kipeiehdi, I ahpw wie rerrer; paliwereiet unsek iang rerrerkihda ei masak.

¹⁵Kisin engitik kis ahpw ipirada pohn meseiet, ahpw kidkidahrek nan kilih kat.

¹⁶I ahpw kilangada mwohmw ehu me kesikesihnen mwohi; mwohmw ehu me sohte nohn dehdeiong ie. Ngiletik ehu ahpw peidohng ie mahsanih,

¹⁷“Mie aramas emen me kak pwung mwohn silangin Koht de mwakelekel mwohn silangin Sounwiepe?

¹⁸Koht sohte kin ketin likih sapwellime lidun nanleng kan; e kin ketin diarada sapwung rehn sapwellime tohnleng kan.

¹⁹Eri a, ia duwen eh pahn ketin likih wiepen nin lime me wiawihda sang pwehl, me tepisang pwehl, rasehng kisin mahn kis me aramas kak padikpene kemehla?

²⁰Aramas kak momour nimenseng, e ahpw kin mehla mwohn nin soutik; sohte me kin ese.

²¹Mehkoaros me e ahneki, kohsangehr; e mehla, ahpw e saikinte loalokongla.”