Read Pohnpeian Sohp 5 Bible Online

Sohp 5 - Pohnpeian bible

Sohp 5

¹Eri, maing Sohp, komw likwer, oh kilang ma mie me pahn sapeng. Mie tohnleng men me komw pahn kak sohpeiong?

²Ma komw pahn mehkihla pwunod oh nsensuwed, met wiewiahn pweipwei me sohte katepe.

³I kilangehr me pweipwei kei me mwomwen sohte perki mehkot, a I ahpw mwadang peki Koht en ketin keriahla dewerail.

⁴Nair seri kan kin mihmi nan apwal ahnsou koaros, pwe sohte me kin uhki nan mwoalen kopwung oh doareirailla.

⁵Me duhpeklahr akan pahn kin tungoalehla wahnsapwen me pweipwei kan-% pil iangahki werentuhke me kin keirda nanpwungen dihpw tekatek-% oh me kin men nimpildahr akan pahn peirinki ar kepwe kan.

⁶Suwed sohte kin keirda nan pwehl, de apwal kin keirda sang nanpwel.

⁷Soh! Pwe aramas kin ipwidiong nan apwal, duwehte mpwulen kisiniei eh kin lulluda.

⁸Ma ngehi komwi, I pahn sohpeiong Koht, oh peki en ketin sewese ie.

⁹Kitail sohte kak dehdehki soahng kapwuriamwei kan en nin lime, oh sohte me kak wadekada sapwellime manaman akan.

¹⁰E kin ketin kamwerehdi keteu pohn sahpw oh kin ketin kalamwur mwaht akan.

¹¹Ei, iei Koht me kin ketin kasapwilada me aktikitik kan, oh kin ketin kansenamwahwihala koaros me kin nsensuwed.

¹²E kin ketin kasapwungehla koasoandien me mwersuwed kan, oh lidipihkihdi me loalokong kan pein arail koasoandi kan, pwe re en dehr kin pweida mwahu ni ar wiewia kan;

¹³E kin ketin kasapwungehla koasoandien me mwersuwed kan, oh lidipihkihdi me loalokong kan pein arail koasoandi kan, pwe re en dehr kin pweida mwahu ni ar wiewia kan;

¹⁴pil nin souwas, likamwete re kin alialuseli nan rotorot.

¹⁵A Koht kin ketin kapitala me semwehmwe kan sang mehla, oh e kin ketin doareirailla sang apwal.

¹⁶E kin ketikihong me semwehmwe kan koapworopwor, oh ketin kanennenihala me suwed akan.

¹⁷Meid pai aramas me Koht kin ketin kapwungala! Eri, dehr soikeweisang rehmw sapwellime kopwung.

¹⁸Koht kin ketin kamwahwihala ohla kan me pein ih kin ketikihda; nin lime me kin kauwehla, nin lime me kin kamwahwihala.

¹⁹Pak tohto e pahn ketin kasile sang komwi me suwed;

²⁰ni ahnsoun lehk, e pahn ketin doarehla omwi mour; oh pil ni ahnsoun mahwen, e pahn ketin kapitasang komwi mehla.

²¹Koht pahn ketin doarehsang komwi likamw oh karaun mwahl; oh pahn ketin kapituhkala ni ahnsoun kamwomwla eh pahn leledo.

²²Ni ahnsoun mahwen oh lehk lapalap, komw pahn kokouruhr; komw sohte pahn masak mahn lawalo kan.

²³Sohte takai pahn mie nan sahpw akan me komw kin koadoahki; sohte mahn kommwad pahn peiong komwi.

²⁴Komwi eri pahn popohl koukousoan nan imwomwi impwal; ni omwi pahn apwahpwalih noumwi pelin sihpw, komw sohte pahn perki mehkot.

²⁵Noumwi seri kan pahn ngeder, rasehng dipwen nansapw akan.

²⁶Rasehng wihd me nektehn pahn dundoal, komw pahn mour lel omwi pahn likeilapala.

²⁷Maing Sohp, padahk wet se aleier ahnsou reirehie. Padahk mehlel pwoat met; eri, ale oh doadoahngki.