Read Pohnpeian Sohp 6 Bible Online

Sohp 6 - Pohnpeian bible

Sohp 6

¹Ma ei apwal oh pahtou kan pahn tenekda pohn mehn tenek kan,

²Ma ei apwal oh pahtou kan pahn tenekda pohn mehn tenek kan,

³re pahn toutou sang pihk en nansed, ihme kumwail dehr pwuriamweiki ei pato mwahl akan.

⁴Koht Wasa Lapalahpie ketin kasikihkinieier arep, oh pwoisin en arep kan doupesengier nan paliwerei unsek. Koht ketin kairakalahr sapwellime wiewia kamasepwehk kan pwehn uhkihong ie.

⁵Ahs emen kin nsenamwahuki kangkang dihpw, oh kou men kin nennenla ni eh kangkang dihpw meng.

⁶Ahpw ihs me kak tungoale suhpw nampil, me sohte soahl? Ia nemenemen wasa pwetepwet en nan kutoahr?

⁷I sohte inangih soangen tungoal me duwehte met, oh I kin soumwahuki soahng koaros me I kin tungoale.

⁸Dahme Koht sohte ketikihong ie dahme I patohwan peki? Dahme e sohte ketin sapengki ei kapakap?

⁹E seu ketin wonlahte mwowe oh kemeiehla!

¹⁰Ma I ese me e pahn ketin kemeiehla, I pahn lusuluski ei peren, mehnda ma ei medek me mwuledek. I patohwan ese me Koht me sarawi; I sohte mwahn kin uhwong dahme e kin ketin koasoanehdi.

¹¹Ia ei kehl pwe I en kak momourki? Dahme I momourki ni eh sohte ei koapworopwor?

¹²Ia duwe, I wiawihda sang ni takai? Paliwerei wiawihkihda mete?

¹³Solahr ei kehl me pahn doareiehla; solahr wasa me I pahn sohpeila ie oh peki sawas.

¹⁴Nan apwal duwehte met, I kin anahne kompoakepahi loalopwoat akan-% mehnda ma I soikalahr Koht de soh.

¹⁵Ahpw kumwail, kompoakepahi kan, kumwail pitihiehdi rasehng piletik kan me kin madada ahnsoun sohla keteu.

¹⁶Piletik kan direkihla sinoh oh aihs,

¹⁷ahpw ni ahnsoun karakar re kin sohrala, oh nan warawar en piletik kan kin ngalangalada oh madekengla.

¹⁸Pwihnen seiloak kan kin salongkihla ar raparapahki pihl; re kin sansalongseli oh mehla nan sapwtehn.

¹⁹Pwihnen seiloak kan sang Sipa oh Tema kin raparapahki,

²⁰ahpw ar koapworopwor kin sohrala limwahn piletik madada kan.

²¹Kumwail rasehng piletik kan ong ie, kumwail kilang ei lokolok oh pweiekiwei ni masepwehk.

²²Dah, I peki kumwail en kihong ie ehu kisakis de pwainohng emen ni tiahk sapwung pwehn sewese ie,

²³de doareiesang imwintihti de emen me ahneki manaman en kaunda ni suwed?

²⁴Eri, kumwail padahkihdo oh kasalehiong ie ei sapwung kan. I pahn nennenla oh rong kumwail.

²⁵Lokaia mehlel me kehlail, ahpw amwail koasoi kan me soh katepe.

²⁶Kumwail lemeleme me dahme I ndinda duwehte kisinieng; ahpw ia kahrepen amwail sapeng ei koasoi kan en soh koapworopwor?

²⁷Kumwail pahn pil petki lidu sepwoupwou kan oh kepwehpwehkihla kompoakepahmwail kan!

²⁸Kumwail kilang nan meseiet, I sohte pahn lokaia likamw.

²⁹Kumwail inenen uklahr oh daulihalahr mehlel. Kumwail tokedihsang amwail mwekid sapahrek kan. Kumwail dehr kadeikiehda. Pwe ngehi me pwung.

³⁰Ahpw kumwail medemedewe me I likilikamw-% kumwail medemedewe me I sohte kak ese dahme pwung oh sapwung.