Read Pohnpeian Sohp 8 Bible Online

Sohp 8 - Pohnpeian bible

Sohp 8

¹Komwi kaimwiseklahr omwi lokaiahn kisinieng kan?

²Komwi kaimwiseklahr omwi lokaiahn kisinieng kan?

³Koht sohte kin ketin wekidala sapwellime kadeik; e sohte kin kapweiekidi eh kin ketin wia dahme pwung.

⁴Mweinele noumw seri kan wiadahr dihp ong Koht, ihme e ketin kalokehkin irail ni me konehng.

⁵Eri, sohpeiong oh pekipek rehn Koht Wasa Lapalahpie;

⁶ma komwi me mehlel oh mwakelekel, Koht ahpw pahn ketido oh sewesei komwi oh kapwuredohng komwi tohn imwomwio nin duwen keting ehu.

⁷Omwi pai koaros me sohralahr pahn wiahla mehkot mwahl me sohte pahrekiong dahme Koht pahn ketikihong komwi.

⁸Komwi tehk mahs ahnsou kis mwomwen erpit en mahs ako; medemedewe duwen me mehlel kan me atail pahpa ko wehwehkier.

⁹Atail mour me mwotomwot, sohte mehkot kitail ese; kitail kin sohrala rasehng mwete pohn sampah.

¹⁰Ahpw ohl loalokong en kawa ko en sukuhlih komwi; rong dahme re koasoia:

¹¹“Ahlek sohte kak wosada wasa me sohte pihl; re sohte kak dierek wasa me sohte pwelmatak.

¹²Ma pihl pahn madada, irail me pahn tepin mengila, ahpw re me nohn tikitik oh sohte kak palidi pwehn wia mehn doadoahk.

¹³Aramas me sohte ar Koht kin duwehte ahlek pwuko; ar koapworopwor kin sohrala, ni ahnsou ehu me re kin sohpeisang Koht.

¹⁴Re kin koapworopworki selin dereht ehu-pesen likan ehu.

¹⁵Ma re pahn idengekla pohn pesen likan ehu, pesen likano kak kolirailda? Ma re pahn koledi selin dereht ehu, sahlo kak sewese irail en uhda?”

¹⁶Aramas suwed kin rasehng kisin dihpw me kin wosada pahn ketipin, rasehng kisin dihpw me kin parpeseng wasa koaros nan mwetuwel.

¹⁷Kalowarail kin pwoalepene takai kan oh kin pwoalepene teng takai koaros.

¹⁸Ahpw song usirailda-% sohte mwahn emen pahn ese me mie tuhke wasao.

¹⁹Ei, ih soangen peren pwukat me aramas suwed kan kin ahneki; meteikan ahpw kin kohdo oh mihla nan dewerail.

²⁰Ahpw Koht sohte pahn ketin meliehla me loalopwoat akan de e sohte pahn ketin sewese aramas suwed kan.

²¹E pahn ketin kupwureikomwihla pwe komwi en kak pwurehng kouruhr oh pereperen,

²²ahpw e pahn ketin kanamenekihala irail kan me kailongkin komwi, oh imwen me suwed kan pahn sohrala.