Read Pohnpeian Sohp 9 Bible Online

Sohp 9 - Pohnpeian bible

Sohp 9

¹Ei, I rongehr soahng pwukan mahs. Ahpw ia duwen aramas emen eh kak powehdi Koht?

²Ei, I rongehr soahng pwukan mahs. Ahpw ia duwen aramas emen eh kak powehdi Koht?

³Ia duwen aramas emen eh kak uhwong? E kak wia peidek kid me sohte emen kak sapeng.

⁴Koht me ketin erpit oh manaman: sohte aramas emen kak pelian.

⁵E kin ketin kamwakid nahna kan ni eh sohte kin ketin mweseiseiki oh kin ketin kamwomwirailla nan sapwellime engieng.

⁶Koht kin ketikihdo rerrer en sahpw oh itikada pwehl; e kin ketin itikada uhr kan me utungada sampah.

⁷E kak ketin katokihedi dakadahn ketipin, oh usu kan en dehr lingaling nipwong.

⁸Sohte emen me sewese Koht ni eh ketin wiahda nanleng kan de tiakidi mahn kamasepwehk en nansedo.

⁹Koht ketin langahda usu kan nan depwek-Diper, Oraion, Pliadis, oh usu kan en palieir.

¹⁰Kitail sohte kak wehwehki wiepen nin lime kapwuriamwei kan, oh sapwellime manaman akan sohte kak imwisekla.

¹¹Koht kin ketin keid limwahi, ahpw I sohte kak kilang.

¹²E kin ketikihda dahme e ketin kupwurki, oh sohte emen kak kapweiekidi; sohte me kak eimah en idek reh, “Dahme komwi ketin wiahki men?”

¹³Sapwellimen Koht engieng me poatopoat. E kin ketin tiakpeseng sapwellime imwintihti kan me kin sewese Rahap, mahn kamasepwehk en nansedo, me kin uhwong.

¹⁴Eri, ia duwen ei kak sapeng Koht? Dahme I pahn patohwan?

¹⁵Mehnda ma I me mwakelekel, ihte me I kak wia, peki kalahngan sang rehn Koht ei sounkopwung.

¹⁶Ahpw mehnda ma e ketin mweidohng ie I en pato, I sohte kamehlele me e pahn ketin karonge ie.

¹⁷E kin ketikihdo melimel kan pwehn kauweiehla ni sohte kahrepe.

¹⁸E sohte ketin mweidohng I en esingek; e ketin kadirehkihla ei mour nsensuwed mwuledek.

¹⁹Ia duwe, I en song iding? Song iding Koht? I en patohwanlahng nan mwoalen kopwung? Ihs me pahn kak lelki mwoalen kopwung?

²⁰I me mwakelekel oh loalopwoat, ahpw ei koasoi kan me ngilen aramas dipada men, oh mehkoaros me I kin koasoia kin mwomwen kadeikiehda.

²¹I me mwakelekel, ahpw I solahr katapanki. I pwangadahr momour. Solahr mehkot I katapanki; mwakelekel de dipan, Koht pahn ketin kamwomwkitailla.

²²I me mwakelekel, ahpw I solahr katapanki. I pwangadahr momour. Solahr mehkot I katapanki; mwakelekel de dipan, Koht pahn ketin kamwomwkitailla.

²³Ni ahnsou me aramas mwakelekel men kin mehla karuaru, Koht kin ketin kiparamat.

²⁴Koht ketikihongehr sampah rehn me suwed akan. E ketin kakunlahr mesen sounkopwung kan. Eri, ma kaidehk Koht me wia met, a ihs me wia?

²⁵Ei rahn akan kin marahrahn imwisekla, sohte rahn ehu me mwahu.

²⁶Ei mour rasehng wahr me keieu marahra, marahra rasehng paret men me kin pihrdiong pohn kisin mwahmw men.

²⁷Ma I pahn sirei oh song en manokehla ei medek, ei lokolok kan kin pwurodo pwehn kamasak ie; I patohwan ese me Koht sohte ketin wiahkin ie aramas mwakelekel.

²⁸Ma I pahn sirei oh song en manokehla ei medek, ei lokolok kan kin pwurodo pwehn kamasak ie; I patohwan ese me Koht sohte ketin wiahkin ie aramas mwakelekel.

²⁹Pwehki ei wialahr aramas dipan, dahme I pahn kedirepwki?

³⁰Sohte sohpw kak widen sang dipei kan.

³¹Koht ketin keseielahr nan pwoahr samin ehu, pil ei likou kan namenengkinielahr.

³²Ma Koht aramas emen, I pahn kak sapeng; se kak ketila nan mwoalen kopwung pwe se en kapwungala nanpwungat.

³³Ahpw sohte emen kak kahkolong nanpwungat-% sohte emen kak kapwungala nanpwungen Koht oh ngehi.

³⁴Maing Koht, komw ketin katokihedi omwi kalokei ie! Komwi ketikihwei sapwellimomwi mwekid kamasepwehk kan!

³⁵I sohte masepwehk. I pahn koasoi pwehki I wehwehki audepen nan kapehdi.