Read Pohnpeian Melkahka Kan 101 Bible Online

Melkahka Kan 101 - Pohnpeian bible

Melkahka Kan 101

¹I pahn patohwan koulki duwen kupwur loalopwoat oh pwung, Maing KAUN, I pahn patohwan koulkihong komwi.

²I pahn idawehn mour mwakelekel. Iahd me komwi pahn ketido rehi? I pahn weweid nan mour mwakelekel nan imwei

³oh sohte mweidohng me suwed en kin wiawi. I kin kailongki wiewiahn irail kan me kin sohpeisang Koht; I sohte pahn iang irail.

⁴I sohte pahn duwehte aramas likamw akan oh I sohte pahn patehng aramas suwed kan.

⁵I pahn kin katokehdi mehmen me kin mwengmwengininginki suwed en meteikan; I sohte pahn iang aramas emen me aklapalap oh pohnmwahso.

⁶I pahn kin pwungki irail kan me kin loalopwoatohng Koht oh mweidohng re en kin iang ie mihmi ni imweio. Irail kan me uhdahn mehlel iei irail me pahn mweimweiong en kin papah ie.

⁷Sohte aramas likamw pahn kin iang mihmi nan imweio; sohte aramas liksansalamwahu men pahn kak uh mwohi.

⁸Rahn koaros I pahn kin kamwomwala aramas suwed kan en nan sapwatailet; I pahn kalipehla aramas suwed koaros sang nan kahnimw en KAUN-O.