Read Pohnpeian Melkahka Kan 102 Bible Online

Melkahka Kan 102 - Pohnpeian bible

Melkahka Kan 102

¹Maing KAUN, komw ketin karonge ei kapakap, oh ketin karonge ei likwer en pek sawas!

²Ni ei mi nan apwal, komw dehr ketin sohpeisang ie! Komw ketin karonge ie, oh ketin sapeng ei likwer ni ahnsou mwadang!

³Ei mour sosohralahr rasehng ediniei; paliwereiet mwasimwasik rasehng kisiniei.

⁴I mengidier duwelahr dihpw me mengilahr; solahr ei ineng en tungoale mehkot.

⁵I patohwan weiweirek laud; solahr mehkot ni paliwereiet ihte kiliette oh tih kat.

⁶I rasehngehr menpihr lawalo men nan sapwtehn, rasehng likoht emen nan mohn ihmw kan.

⁷I kin wonohn wie pepehd; I duwelahr menpihr men me kalakalapwuk pohn pwelengen ihmw.

⁸Ei imwintihti kan kin kepwkepweikengih ie sang nimenseng lel nipwong; irail kan me kin lahlahwe ie kin keriahla aramas ni edei.

⁹Pwehki omwi engieng mwuledek, pehs me wialahr ei tungoal kisin mwenge, oh pilenmesei kat doaloalahr nimei pihl. Komw ketin pwekiedahr oh ketin keseielahr.

¹⁰Pwehki omwi engieng mwuledek, pehs me wialahr ei tungoal kisin mwenge, oh pilenmesei kat doaloalahr nimei pihl. Komw ketin pwekiedahr oh ketin keseielahr.

¹¹Ei mour rasehngehr mwete en soutik; I duwelahr dihpw me mengidier.

¹²Ahpw komwi, Maing KAUN, komwi me nanmwarki kohkohlahte; dih koaros pahn kin tamataman komwi.

¹³Komw pahn ketida oh ketin poakehla Saion; e lelehr ahnsowo me komw pahn ketin kupwurehla; eri ih ahnsou mwahwo met.

¹⁴Sapwellimomwi ladu kan kin poakohng Saion, mehnda ma e kamwomwomwlahr; re uhdahn poakehla, mehnda ma e rengkpesengehr.

¹⁵Wehi kan pahn masak KAUN-O; nanmwarki koaros en sampah pahn masak sapwellime manaman.

¹⁶Ni ahnsou me KAUN-O pahn ketin onehda sapahl Saion, e pahn ketin kasalehda sapwellime roson lapalap.

¹⁷E pahn ketin karonge sapwellime aramas me lekdeklahr akan oh karonge ar kapakap.

¹⁸Ntingihediong dih kan me pahn kohdo mwuhr dahme Koht ketin wiadahr, pwe aramas akan me saikinte ipwidi re en kapinga.

¹⁹KAUN-O ketin mahsendihdo sang nan mwoale sarawi wasa ile, e ketin mahsendidohng sampah sang nanleng.

²⁰E ahpw ketin karongehda weirek en me sensel kan oh ketin kasaledekala me koasoandier en kamakamala kan.

²¹Eri, mware pahn uhdahn lohkseli nan Saion, oh kapingpe pahn wiawi nan Serusalem

²²ni ahnsou me wehi kan oh nanmwarki kan pahn pokonpene oh wia kaudok ong KAUN-O.

²³KAUN-O ketin kaluweteiehla ni ahnsou me I wie pwulopwulte; e ketin kamwotehla ei mour.

²⁴Maing ei Koht, komw dehr ketikihsang ei mour met mwohn ei pahn likeilapala. Maing KAUN, komwi kin ketin ieias kohkohlahte.

²⁵Komw ketin kapikada sampah mahsie, oh pein nin limomwi kan me ketin wiahda nanleng.

²⁶Soahng pwukat pahn sohrala, a komwi pahn duweduwehte; re pahn meringla duwehte likou. Komw pahn ketin keseirailla rasehng likou, oh re pahn sohrala.

²⁷Ahpw komwi pahn ketin duweduwehte, oh sapwellimomwi ieias sohte pahn imwisekla.

²⁸At tungoal seri kan pahn mour meleilei oh kadaudokarail kan pahn mour tengeteng, pahn epwelpen nin limomwi kan.