Read Pohnpeian Melkahka Kan 11 Bible Online

Melkahka Kan 11 - Pohnpeian bible

Melkahka Kan 11

¹I kin likih KAUN-O pwe ih me doarepei. Kumwail meid pweipwei ni amwail kin ndaiong ie, “Tenge pohn nahna kan rasehng mehnpihr me kin pihrla wasa ko,

²pwe aramas suwed kan kadangpesengehr nair kesik ketieu kan oh kainenehier neirail arep kan pwe re en kasikih aramas mwahu kan sang wasa rotorot kan.

³Sohte mehkot aramas mwahu men kak wia ahnsou me mehkoaros ohlahr.”

⁴KAUN-O kin ketiket nan tehnpese sarawi; mwoahle kin mi nanleng. E kin mamahsanih aramas akan wasa koaros oh mwahngih dahme re kin wiewia.

⁵E kin ketin kasawih aramas mwahu oh me suwed kan koaros; e kin ketin kalahdeki kowahlap me kin keid likin sapwellime kosonned akan.

⁶E kin ketin kamwerehdi kisiniei oh suwepel okohk pohn aramas suwed kan; e kin ketin kalokehkin irail kisinieng mpwumpwul.

⁷KAUN-O me pwung oh kin kupwurki wiewia mwahu kan; me kin peikiong pahn kin momour mwohn silangi.