Read Pohnpeian Melkahka Kan 110 Bible Online

Melkahka Kan 110 - Pohnpeian bible

Melkahka Kan 110

¹KAUN-O ketin mahsanihong ei kaun, nanmwarkio, “Komw ketidiong ni palimauniet I lao wiahkihda omwi imwintihti kan utupen aluweluwomwi kan.”

²KAUN-O pahn ketin katelapahla sapwellimomwi manaman en kaunda wehi pokon sang Saion. E mahsanih, “Komwi en kaunda sapwellimomwi imwintihti kan.”

³Rahnen omwi mahweniong omwi imwintihti kan, sapwellimomwi aramas akan pil pahn iang mahweno. Sapwellimomwi mwahnakapw akan pahn patohdo rehmwi nin nahna sarawi kan, rasehng pwoaiken nimensehngie.

⁴KAUN-O ketin inoukidahr kehlail, oh sohte pahn ketin koluhkihla: “Komwi pahn wiahla samworo sang met kohkohlahte nin duwen koasoandien samworo Melkisedek.”

⁵Kaun-o kin ketiket ni palimaunomwien; e pahn ketin kalowehdi nanmwarki kan ni rahn me e pahn engiengda.

⁶E pahn ketin kadeikada wehi kan oh ketin kadirehkihla wasahn mahwen kahlep en aramas akan; e pahn ketin kalowehdi nanmwarki kan en sampah pwon.

⁷Nanmwarkio pahn ketin nimpil sang piletik en ni keilenial, oh ketin rosonkihda, e ahpw pahn ketin uh ni roson en powehdi.