Read Pohnpeian Melkahka Kan 122 Bible Online

Melkahka Kan 122 - Pohnpeian bible

Melkahka Kan 122

¹I nsenamwahukihla ni ar patohwanohng ie, “Kitail patohla nan tehnpas en KAUN-O.”

²Eri iet, se miher met, uh nan wenihmw kan en kelen Serusalem!

³Serusalem, iei kahnimw me onohndasapahlehr kahnimw lingan oh soanamwahu.

⁴Iei wasaht me kadaudok kan kin patopene ie, kadaudok en Israel kan, pwe re en kin kapingkalahngan ong KAUN-O nin duwen sapwellime kosonned.

⁵Iei wasaht me nanmwarkien Isreal kan kin wia kopwung ong sapwellimarail aramas akan.

⁶Kumwail peki mwehi kapohl ong Serusalem: “Paiamwahu en kowohng irail kan me kin poakohng komwi.

⁷Mwehi kapohl en kin pweida nan omwi kehl kan, oh meleilei nan tehnpasomwi kan.”

⁸Pwehki riei kan oh kompoakepahi kan I kin patohwanohng Serusalem, “Popohl en ieiang komwi!”

⁹Pwehn wia kamwahupen tehnpas en KAUN-O, atail Koht I kin kapakapkin komwi pwe komwi en paiamwahu.