Read Pohnpeian Melkahka Kan 124 Bible Online

Melkahka Kan 124 - Pohnpeian bible

Melkahka Kan 124

¹Ia duwe, ma KAUN-O sohte ketin uhpalihkin kitail? Israel, sapeng ie!

²“Ma KAUN-O sohte ketin uhpalihkinkitailehr ni ahnsou me atail imwintihti kan mahweniong kitail,

³re uhdahn kadalleikitaillahr ni atail momour nan arail lingeringer kowahlap;

⁴eri, kitail ahpw pahn peikihla ahden pillap akan, oh mwopwla nan pihlo,

⁵ahden lapake pahn kamwopwkitailla.”

⁶Kitail kasapahlkalahngan ong KAUN-O, me sohte ketin mweidohng atail imwintihti kan en kamwomwkitailla.

⁷Kitail pitlahr rasehng menpihr men me pitsang nan lidip en sounwie lidip kan; lidipo ohlahr, oh kitail saledeklahr!

⁸Sawasepatail kin pwarodo sang rehn KAUN-O, me ketin kapikada nanleng oh sampah.