Read Pohnpeian Melkahka Kan 127 Bible Online

Melkahka Kan 127 - Pohnpeian bible

Melkahka Kan 127

¹Ma KAUN-O sohte ketin kauwada ihmwo, doadoahk en sounkou ihmw kan sohte pahn katepe; ma KAUN-O sohte kin ketin sinsile kahnimw ehu, silepen kahnimw kan pahn sinsile mwahl.

²Sohte katepen omw pahn tihtihwohki raparapahki omw mour, sangkenei pwopwourda nin sohrahn, oh pwand en meirla nipwong. Pwe KAUN-O kin ketikihda kisin tungoal ong me e kin poakohng kan, nindokon arail kin wie memeir.

³Seri kan, iei kisakis ehu sang rehn KAUN-O; uhdahn kapai ehu sang reh.

⁴Pwutak kan me ohl emen nainekidahr ni eh pwulopwul, rasehng arep kei nan pehn sounpei men.

⁵Meid pai aramaso me naineki tehtehn mahwen tohto pwukat! E sohte pahn lohdi ni eh pahn tuhwong eh imwintihti kan nan wasahn kopwung.