Read Pohnpeian Melkahka Kan 15 Bible Online

Melkahka Kan 15 - Pohnpeian bible

Melkahka Kan 15

¹Maing KAUN, ihs me kak patohlong nan Tehnpasomwi? Ihs me kak patohwan kaudok pohn Saion, sapwellimomwi dohl sarawio?

²Aramas me kin peikiong Koht ni mehkoaros oh kin wia me pwung ahnsou koaros, me kin lokaia pwung oh mehlel,

³oh sohte kin karaunmwahlih meteikan. E sohte kin wia mehkot sapwung ong kompoakepah kan, oh sohte kin ndindaseli mehn mpe kan.

⁴E kin kailongki irail kan me Koht kin ketin soikala, ahpw e kin wauneki irail kan me kin peikiong KAUN-O. E kin kapwaiada dahme e inouki ahnsou koaros, mehnda ma e apwal.

⁵E sohte kin ale wihnen nah mwohni me aramas pekihsang pwe re en doadoahngki; oh e pil sohte pahn wia sounkadehde likamw ong emen me sohte dipe pwe en ale pweine. Eri, me kin kapwaiada mepwukat pahn pehm saledek sang apwal kohkohlahte.