Read Pohnpeian Melkahka Kan 42 Bible Online

Melkahka Kan 42 - Pohnpeian bible

Melkahka Kan 42

¹Duwen tie men eh kin ngoangki nim pihl lemwlemwur sang ni piletik, Maing Koht, iei duwen ei kin ngoangkin komwi.

²I kin anahne komwi, Koht ieias. iahd me I pahn kak patohwan kaudok mwohn silangmwi?

³Ni rahn oh nipwong I kin sengiseng, oh ihte me I kin tungutungoale, pilen mesei; ei imwintihti kan kin ideidek rehi ahnsou koaros, “Ia omw Kohten?”

⁴Mohngiongiet kin okihla ni ei kin tamanda irair en mahs akan, ni ei kin iang pokon kan kohdalahng nan tehnpas en Koht oh kahluwa irail ni ar kin alialu kohla, pereperen, kokoul, oh ngisingiski ar kaping ong Koht.

⁵Dahme I nohn nsensuwedkilahret? Dahme I nohn pwunodkidahr? Eri soh, I pahn koapworopworki Koht, oh I pahn pwurehng kapinga, ei sounkomour oh ei Koht.

⁶Mohngiongiet tihwolahr wasa me I kalipilipdohnget, I ahpw sohpeiong Koht. E ketin koaduhpwalihkihdi ngeni iloak en nsensuwed, me pwilipwildohng ie rasehng lapake ieu, rasehng tenihr me ngiringirisek sang pohn Nahna Ermon oh Nahna Misar kohdilahng Sordan.

⁷Mohngiongiet tihwolahr wasa me I kalipilipdohnget, I ahpw sohpeiong Koht. E ketin koaduhpwalihkihdi ngeni iloak en nsensuwed, me pwilipwildohng ie rasehng lapake ieu, rasehng tenihr me ngiringirisek sang pohn Nahna Ermon oh Nahna Misar kohdilahng Sordan.

⁸KAUN-O en ketin kasalehda sapwellime limpoak poatopoat ni rahn, pwe I en kokoul nipwong, oh kapakapohng Koht, me kin ketikihong ie mouri.

⁹I patohwanohng Koht, ei soundoar, “Dahme komw ketin likidmeliekiniehla? Dahme I kin wie lokolongki pahn manaman en ei imwintihti kan?”

¹⁰I mwoatohtkilahr ei imwintihti kan ar kin kepweikengih ie, ni ar kin ideidek rehi, “Ia omw Kohten?”

¹¹Dahme I nohn nsensuwedkilahret? Dahme I nohn pwunodkidahr? Eri soh, I pahn koapworopworki Koht, oh I pahn pwurehng kapinga, ei sounkomour oh ei Koht.