Read Pohnpeian Melkahka Kan 56 Bible Online

Melkahka Kan 56 - Pohnpeian bible

Melkahka Kan 56

¹Maing Koht, komw ketin kupwurkalahngan ong ie, pwe I patohwan milahr nan apwal laud; ei imwintihti kan kin pwakipwakih ie ahnsou koaros.

²Rahn ehu pwon ei imwintihti kan kin pelipelian ie. Me ngeder me kin men peiong ie.

³Maing KAUN, Wasa Lapalap, ni ei kin masepwehkada, I kin patohwan likih komwi.

⁴I kin likih Koht oh I sohte kin masak mehkot; I patohwan kapingahki mehkoaros me e ketin inoukihda. Dahme aramas kak wiahiong ie?

⁵Rahn ehu pwon ei imwintihti kan kin kihong ie nan apwal; re kin medemedewe ahnsou koaros duwen ar pahn kauweiehla!

⁶Re kin pokonpene wasa rir kan oh mwasamwasahn mehkoaros me I kin wia, raparapahki ahnsou me re pahn kemeiehla.

⁷Maing Koht, komw ketin kaloke irail pwehki ar tiahk suwed; komw ketin kalowehkihdi aramas pwuko omwi engieng!

⁸Komw mwahngih uwen apwal laud me I patopato loale; komw ketin kileledier uwen tohtohn pilen mesei. E seu ntingdier nan sapwellimomwi pwuhk?

⁹Ni rahn me I pahn patohwan likwerih komwi, ei imwintihti kan pahn wekidekte tangdoaui. I patohwan ese met: me Koht kin ketin uhpalikinie-%

¹⁰I kin patohwan kapikapinga sapwellimen KAUN-O inou kan.

¹¹I kin likih, oh I sohte pahn masak mehkot. Pwe dahme aramas kak wiahiong ie?

¹²Maing Koht, I pahn patohwan meirongkihong komwi dahme I inoukidahr; I pahn patohwandahng komwi ei meirong en kasapahlkalahngan,

¹³pwehki omwi ketin kapitiehla sang mehla oh ketin doareiesang pahn manaman en ei imwintihti kan. Eri, I pahn patohwan weweid mwohn silangin Koht, nan maraino me kin dakedaker me momour kan.