Read Pohnpeian Melkahka Kan 7 Bible Online

Melkahka Kan 7 - Pohnpeian bible

Melkahka Kan 7

¹Maing KAUN, ei Koht, I patohdo pahn kupwuromwi pwe komwi en ketin sinsile ie; komw ketin kapitiehla oh doareiehla sang irail koaros me kin pwakipwakih ie,

²pwe ma soh, re pahn duwehte laion me pahn waielahng wasa me sohte emen kak doareiehla; re ahpw pahn dapengiepeseng wasao.

³Maing KAUN, ei Koht, ma I wiadahr sapwung ehu ong emen, ma I pangala kompoakepahi men de ma I wiahiong ei imwintihti men mehkot suwed ni sohte kahrepe; ma I wiadahr ehu soahng pwukat-%

⁴Maing KAUN, ei Koht, ma I wiadahr sapwung ehu ong emen, ma I pangala kompoakepahi men de ma I wiahiong ei imwintihti men mehkot suwed ni sohte kahrepe; ma I wiadahr ehu soahng pwukat-%

⁵eri ei imwintihti kan en pwakihiehla oh koliehdi, pwe re en peleiepeseng oh kemeiehla oh keseiediong nanpwel!

⁶Maing KAUN, komw ketida nan omwi engieng! Komw ketin uhwong sarlemei en ei imwintihti kan; komw pein ketida oh sewese ie! Pwuhng me komw kin ketin kupwurki,

⁷komw ketin kapokonepene tohn wehi koaros rehmwi, oh ketin kaunirailda sang powe.

⁸Komwi me sounkopwung en aramas koaros. Maing KAUN, komw ketin kasalehda ei pwung ni omwi pahn kadeikiehda; komw mwahngih me sohte dipei.

⁹Komwi Koht pwung men me kin ketin wia kadeikpen at tungoal lamalam akan oh at tungoal ineng kan. Komw ketin katokehdi wiewia suwed en aramas suwed kan oh ketin katingih me mwahu kan.

¹⁰Koht iei silepei, e kin ketin doarehla irail kan me kin peikiong.

¹¹Koht iei sounkopwung pwung men oh e kin ketin kaloke aramas suwed kan ahnsou koaros.

¹²Ma re sohte pahn wekidala koasoandi kan en ar mour, Koht pahn ketin kakengihala sapwellime kedlahs. E ketin kadangehr sapwellime kesik ketieu oh ketin kaunopadahr en kadar;

¹³e ketikidahr sapwellime tehtehn mahwen keper kan oh kainenehier sapwellime arep kisiniei kan.

¹⁴Tehk duwen aramas suwed kan ar kin koasoakoasone nan kapehdihr me suwed; re kin koasoanehdi wiepen kahpwal oh kapwaiada ar widing kan.

¹⁵Ahpw nan lidip kan me re kin kaunopohng meteikan, re kin pein pwupwudiong loale.

¹⁶Eri, pein arail suwed kin kaloke irail oh pein arail lemei kin kauweirailla.

¹⁷I kin patohwan kapingkalahnganki ong KAUN-O sapwellime pwung; I patohwan koulki koulen kaping ong KAUN-O, Wasa Lapalap.