Read Pohnpeian Melkahka Kan 75 Bible Online

Melkahka Kan 75 - Pohnpeian bible

Melkahka Kan 75

¹Maing Koht, se patohwan kapingkalahngan ong komwi, se patohwan kapingkalahngan ong komwi! Se patohwan kalohki roson lapalap en mwaromwi oh se kin patohwan lohkiseli wiewia kapwuriamwei kan me komw ketin wiadahr.

²Koht ketin mahsanih, “I koasoanedier ahnsoun ei kopwung, oh I pahn wia kopwung ni me pwung.

³Mehnda ma soahng koaros nin sampah pahn rerada oh sampah pwon pahn itihtikek, a I pahn katengehdi poahsoan en sampah pwe en teng.

⁴I kin ndaiong aramas suwed akan re en dehr aklapalap oh pohnmwahso;

⁵I kin ndaiong irail re en tokedihsang arail aksuwei.”

⁶Kopwung sohte kin kohdo sang ni palimese de palikapi, de paliepeng de palieir;

⁷Koht iei sounkopwung, rehn Koht ekei kin pakadeikada oh kalokolok a ekei kin kasaledekla.

⁸KAUN-O kin ketiki kep ehu nin lime, diren wain kehlail en sapwellime engieng. E kin ketikihong aramas suwed akan koaros pwe re en nim; re kin nimala koaros oh wekidedi.

⁹Ahpw I sohte pahn tokedihsang lohkiseli duwen Koht en Seikop de kokoulkihong koulen kaping.

¹⁰E pahn ketin kauwehla manaman en aramas suwed akan, e ahpw pahn ketin kakehlakahla manaman en aramas pwung kan.