Read Pohnpeian Melkahka Kan 8 Bible Online

Melkahka Kan 8 - Pohnpeian bible

Melkahka Kan 8

¹Maing KAUN, at Kaun, sapwellimomwi roson lapalap kin sansal wasa koaros nin sampah! Kapingpomwi kin leldawohng nanleng;

²seri kan oh seri pwelel kan pil kin kapinga komwi. Komwi me ketin kauwadahr kelen mahwen ong sapwellimomwi imwintihti kan, pwe en irehdi irail koaros me kin pelian komwi.

³Ni ei kin kilangdawohng pahnlahng, iei wiepen nin limomwi, maram oh usu kan me komw ketin koasoanedier nan dewerail-%

⁴dahkot aramas, me komwi kin ketin kupwukupwure; aramas mwahl, me komwi kin ketin apwahpwalih?

⁵Komwi me ketin koasoanehdi aramas pwe komwihte me re pahn patopato pah; komwi me ketin kamwarehkinirailda lingan oh wahu.

⁶Komwi me ketin koasoanehdi pwe en kaunda wiepen nin limomwi koaros, komwi me pil kasapwiladahng pohnangin mehkoaruhsie.

⁷sihpw oh kou koaros, oh pil mahn lawalo kan;

⁸menpihr kan oh mwahmw akan, oh mehkoaros me kin aude nan madau.

⁹Maing KAUN, at Kaun, sapwellimomwi roson lapalap kin sansal wasa koaros nin sampah!