Read Pohnpeian Melkahka Kan 82 Bible Online

Melkahka Kan 82 - Pohnpeian bible

Melkahka Kan 82

¹Koht kin ketin kaunda wie kupwur akan nanleng; ni wie kupwur en koht akan e kin ketin koasoanehdi kupwure:

²“Kumwail uhdahn pahn katokehdi amwail kopwung sapwung kan; kumwail solahr pahn uhpalihki aramas suwed akan!

³Kumwail doare pwuhng en me semwehmwe oh sepwoupwou kan; kumwail lamalam pahrek ong me paisuwedlahr oh me luwet akan.

⁴Kumwail kapitirailsang pahn manaman en aramas mwersuwed kan.

⁵“Ia uwen amwail sohte wehwehki! Ia uwen amwail loalopwon! Kumwail sapwungalahr mehlel, iei me pwuhng sohrkisangehr sampah wet.

⁶I ahpw nda; ‘Kumwail koht ekei, kumwail koaros sapwellimen Wasa Lapalahpie.’

⁷Ahpw kumwail pahn mehla duwehte aramas akan; amwail mour pahn pil sohrasang rasehng sapwellimen nanmwarki pwutak.”

⁸Maing Koht, komw ketido kaunda sampah; wehi koaros nin sampah iei sapwellimomwi.