Read Pohnpeian Melkahka Kan 90 Bible Online

Melkahka Kan 90 - Pohnpeian bible

Melkahka Kan 90

¹Maing ei Kaun, komwi me dewat ahnsou koaros.

²Mwohn nahna kan ar wiawihda, mwohn omwi ketin kapikada sampah, komwi Koht poatopoat emen, oh pahn wia Koht kohkohlahte.

³Komw ketin kilelehiong aramas akan pwe re en pwurehng wiepwella; komw ketin kapwureiraillahng nan pwehl.

⁴Pwe mwohn silangmwi pahr 1000 rasehng rahn teieu, duwehte aio, me samwalahr, rasehng ahnsou mwotomwot kis nipwong.

⁵Komw kin ketin koakoaikit sang nin sampah, rasehng lapake ieu; oh se rasehng ouraman ehu. Se rasehng reh me wosada nimenseng,

⁶kekeirda oh masalpeseng, a nin soutik e kin mengila.

⁷Omwi engieng me kin kamwomwkitala; se kin masepwehngkihda omwi engieng mwuledek.

⁸Komw kin ketin kasalehda mwohmwi dipat akan, oh dipat rir kan wasa me pahn kak sansalohng komwi.

⁹At mour kin mwotomwotkihla omwi engieng; at mour kin mwadang sohrala, rasehng mwenginingin ehu.

¹⁰Sounpar 70, ihte werein at mour-% a ma se kehlail, e pahn lel 80; ahpw pahr pwukat kin kahrehiong kiht pwunodte oh apwal; mour kin mwadang imwisekla, oh se solahr mie.

¹¹Ihs me pehmehr ia uwen mwuledek en omwi engieng? Ihs me kak ese kamasepwehk en omwi engieng?

¹²Komw ketin padahkihong kiht duwen mwotomwot en at mour, pwe se en loalokongkihla.

¹³Maing KAUN, ia erein omwi pahn wie engieng? Komw ketin kupwurei kiht, sapwellimomwi ladu pwukat!

¹⁴Komw ketin kadirehkinkitala sapwellimomwi limpoak poatopoat nimenseng koaros, pwe se en kin kokouliong komwi oh pereperen erein at mour.

¹⁵A met komw ketin kansenamwahwihkitala nin duwen omwi ketin kansensuwedihkitehr erein ahnsou me se mihmi nan apwal ahnsou reirei.

¹⁶Komw ketin mweidohng kiht, sapwellimomwi ladu pwukat, se en kilang wiepen nin limomwi manaman akan; oh kadaudokat kan re en iang udiahl sapwellimomwi roson lingan.

¹⁷Maing KAUN, at Koht, sapwellimomwi kupwuramwahu en ieiang kiht, oh ketin mweidohng kiht se en pweida mwahu ni mehkoaros me se kin patohwan wia!