Read Pohnpeian Melkahka Kan 95 Bible Online

Melkahka Kan 95 - Pohnpeian bible

Melkahka Kan 95

¹Kumwail patohdo, kitail kapinga KAUN-O! Kitail ngisingiski atail peren ong Koht me kin ketin sinsilei kitail!

²Kitail patohwanlahng atail kapingkalahngan mwohn silangi oh pereperen kokoulki koulen kaping.

³Pwe KAUN-O, iei Koht manaman emen, nanmwarki manaman emen me kin ketiket pohnangin koht akan koaros.

⁴E kin ketin kakaun sampah pokon, sang pahn kepin sampah lellahng pohn kumwen nahna kan.

⁵E kin ketin kaunda madau me e ketin wiahda, iangahki sahpw koaros me pein ih ketin kapikada.

⁶Kumwail patohdo, kitail poaridi oh pwongih Koht; kitail kelehpwikihdi mwohn KAUN-O, me ketin wieikitailda!

⁷Pwe ih me atail Koht; kitail sapwellime aramas me e kin ketin apwahpwalih, sapwellime pelin sihpw me e kin ketin katungoale. Kumwail rong dahme e mahsanih rahnwet:

⁸“Kumwail dehr keptakaila, duwehte amwail pahpa kahlap ako nan Meripa, duwen irail rahno nan Massa en sapwtehno.

⁹Mehnda ma re kilangehr ei doadoahk manaman akan rehrail, a re kasongosongieier wasao.

¹⁰Erein pahr pahisek I wie nsensuwed pahn aramas pwuko. I ahpw nda, ‘Ia uwen arail soaloalopwoat! Re kahng kapwaiada ei kosonned akan.’

¹¹I ahpw lingeringerkihda oh inoukihda ni kehlail, ‘Kumwail sohte mwahn pahn pedolong nan sahpwo wasa me I men kommoaleikumwaildiong ie.’ ”