Read Pohnpeian Lepin Padahk Audapan Kan 30 Bible Online

Lepin Padahk Audapan Kan 30 - Pohnpeian bible

Lepin Padahk Audapan Kan 30

¹Iet kan en Akur, nein Sake pwutak, eh mahsen kesempwal kan: “Koht sohte ketin ieiang ie, Koht sohte ketin ieiang ie; eri, sohte sawasepei.

²I solahr mwomwen aramas, I duwelahr mahn emen; solahr lamalam en aramas rehi.

³Sohte duwen kupwurokong ehu me I ese, I sohte ese duwen Koht.

⁴Ihs me aledier kupwurokong en nanleng? Ihs me koledier kisinieng nan peh? De koarukihpene pihl nan kisin mwein likou? De koasoanehdi irepen sampah? Ihs ih, ma ke ese? Ia sapwellime pwutaken?

⁵“Koht kin ketin kapwaiada inou koaros me e kin ketin wia. E rasehng mehn sansar ehu ong irail kan me kin rapahki sileparail pahn kupwure.

⁶Ma ke koasoia me e mahsanih mehkot me e sohte mahsanih, e pahn ketin kapwung ong uhk oh ketin kasalehiong uhk me kowe aramas likamw.”

⁷Maing Koht, I peki rehmwi soahngte riau, komw ketin mweidohng ie mwohn ei pahn mehla:

⁸komw ketin kadohwaneweisang ie likamw, oh I en dehr wiahla aramas kepwehpwe de semwehmwe. Eri, komw ketikihong ie uwen kisin tungoal me I anahne.

⁹Pwe ma e daulihala, mweinele I pahn patohwan me I sohte anahne komwi. Ahpw ma I semwehmwe, mweinele I pahn pirap oh kasaminehla mwaren ei Koht.

¹⁰Dehr kedipa ladu men rehn eh soumas. Pwe ke pahn riahkihla oh alehki lokolok.

¹¹Mie aramas me kin peinediong ar pahpa kan oh sohte kesempwalki ar nohno kan.

¹²Mie aramas me kin lemeleme me re mwakelekel nan ar samin kowahlap.

¹³Mie aramas me kin lemeleme me re inenen mwahu-eri, ia uwen arail mwahu me re lemeleme!

¹⁴Mie aramas me kin kahpwalihala me semwehmwe kan oh me paisuwed kan ni tiahk en lemei; ihme re kin wiewiahki ar mehn mour.

¹⁵Soangen kisin mahn kis me kin mihkasang nta naineki serepein riemen, eri, ira koaros adaneki “Kihdo!” Mie soahng pahieu me sohte kin itarki dahme mie rehrail:

¹⁶wasahn me melahr akan,

¹⁷Mehmen me kin kapailoke seme de mwamwahlikihla ine ni ara likeilapalahr, e konehngete menpihr kan en kangala de menpihr kommwad akan en palihasang pwoaren mese kan.

¹⁸Mie soahng pahieu me uhdahn rir ong ie I en wehwehki:

¹⁹ikel men me pipihrseli pahnlahng,

²⁰Iet duwen dahme lih pwopwoud men me kin kamwahlih eh pwoud kin wia: mwurin eh kin kamwahl, e kin duhduhla, oh nda, “Sohte mehkot sapwung I wiahda!”

²¹Mie soahng pahieu me pein sampah sohte kak en mweidohng en wiawi:

²²lidu men en wiahla nanmwarki,

²³lih emen me aramas kailongki en pwopwoudida, oh serepein lidu men en wiliandi nan dewen eh lih soumas.

²⁴Mie soangen mahn pahmen nan sampah me keieu tikitik, ahpw inenen loalokong:

²⁵Ketitik: re inenen luwet, ahpw re kin kihpene kanarail kisin mwenge ni ahnsoun karakar.

²⁶Rak-padser: re pil sohte kehlail, ahpw re kin wiahda arail wasahn kousoan nan pwungen takai kan.

²⁷Loukust: sohte arail nanmwarki, ahpw re kin pihrwei ni mwekid pahrek.

²⁸Lamwer kan: ke kak kolokol nan pehmw, ahpw re pil kin iang mihmiseli nan tehnpesen nanmwarki kan.

²⁹Mie soahng pahieu me kapwuriamwei aramas en kilang ni ar kin aluhwei:

³⁰laion kan, mahn me keieu kehlail nanpwungen mahn koaros, me sohte kin masak mehkot;

³¹kuht, kihng kan, oh nanmwarki kan me ketiketseli mwohn sapwellime aramas akan.

³²Ma kowe aramas pweipwei men me aklapalap oh kin koasoakoasoane mehkot suwed, ke en nennenla mahs oh medemedewe!

³³Ma ke arihada milik, e pahn wiahla pwete. Ma ke pakere tumwen emen, nta pahn kusieisang. Ma ke pahn kahrehda lingeringer, ke pahn lelohng apwal.