Read Pohnpeian Lepin Padahk Audapan Kan 6 Bible Online

Lepin Padahk Audapan Kan 6 - Pohnpeian bible

Lepin Padahk Audapan Kan 6

¹Samwa, ke inoukidahr me ke pahn pwukoahki en emen pweipwand?

²Ke pein pitidahr pahn omw lokaia kan, lohdier pwehki pein omw inou kan?

³Eri, samwa, ke milahr pahn manaman en aramaso, ahpw iet duwen omw pahn mwadang pitsang ire wet: mwadangala reh oh peki en kasaledekeiukala.

⁴Ke dehr meirla de kommoaldi.

⁵Doareiukasang nan lidip wet, rasehng menpihr de tie men me kin tangasang sounlidip kan.

⁶Aramas pohnkahke kan uhdahn pahn ale padahk sang ni mwomwen mouren katitik kan.

⁷Sohte arail sounkaweid, soumas, de kaun,

⁸ahpw re kin nekidala kanarail kisin mwenge ni ahnsoun karakar, kaunopadahng ahnsoun kopou.

⁹Eri, ia erein aramas pohnkahke men eh pahn wonohnte? Iahd me e pahn kak pwourda?

¹⁰E kin kalap nda, “I pahn ekis meir. I pahn kihpene pehi kat oh kommoal.”

¹¹Ahpw ni eh pahn memeir, semwehmwe pahn kalowehdi, rasehng sounpirap emen.

¹²Aramas suwed oh sohte katepe kin kohkohseli wiewiaseli likamw.

¹³Re kin manih aramas oh wia mwekid en widing kei pwe re en pitihiuk,

¹⁴nindokon ar kin koasoakoasoane mehkot suwed nan ar madamadu pirek, wiewia kahpwal wasa koaros me re pahn kohla ie.

¹⁵Pwehki met, kahpwal laud pahn lelohng irail ni ar sasairki, oh re pahn mehkihla ohla laud.

¹⁶Mie soahng isuh me KAUN-O kin ketin suwediki oh inenen kalahdeki mehlel:

¹⁷Mie soahng isuh me KAUN-O kin ketin suwediki oh inenen kalahdeki mehlel:

¹⁸Mie soahng isuh me KAUN-O kin ketin suwediki oh inenen kalahdeki mehlel:

¹⁹Mie soahng isuh me KAUN-O kin ketin suwediki oh inenen kalahdeki mehlel:

²⁰Samwa, kapwaiada dahme omw pahpa padahkihong uhk oh dehr manokehla padahk en omw nohno.

²¹Kolokol ara lokaia kan ahnsou koaros oh katengediong nan kapehdomw.

²²Ara padahk kan pahn kahluwaiuk nan omw seiloak, sinsileiuk nipwong, oh kaweid uhk nin rahn.

²³Ara padahk kan iei marain lingaling ehu; ara kin kapwunguhkala pahn kak kaweidkin uhk duwen omw pahn mour.

²⁴E pahn kak kadohwanewei sang uhk lih suwed kan, sang lokaiahn kasongosongen en emen ohl tohrohr eh pwoud.

²⁵Ke dehr lohdi pahn ar lingan oh kaselel; ke dehr lohdiong pahn lingan en pwoaren masarail kan.

²⁶Ohl emen kak pwainki pweinen lopwon en pilawa ehu lih en netiki paliwere men, ahpw kamwahl pahn kaluhsihala ohlo sang mehkoaros me e ahneki.

²⁷Ia duwe, ke kak kihong kisiniei nan mwaremwaromw, ahpw omw likou kan sohte pahn mwasingkihla?

²⁸Ke kak alu pohn mwoalus okohk, ahpw sohte kamwasikehla pahn nehmw kan?

²⁹Ih duwen keper en wendiong rehn en emen ohl eh pwoud. Mehmen me pahn wia met, pahn lokolongki.

³⁰Aramas akan sohte kin lingeringerkihda ma aramas emen pahn pirapahla kisin mwenge ni eh men mwenge;

³¹ahpw ma e pahn lohdi, e pahn pwainla pahn pak isipak uwen me laudsang-e pahn mweidala mehkoaros me e ahneki.

³²Ahpw aramas me kin kamwahl me inenen pweipwei. E pein kaukauwe pein ih.

³³E pahn sohla wauwi oh e pahn kamakam; e pahn namenekla kohkohlahte.

³⁴En ohl pwopwoud men eh lingeringerkihda eh luwak me inenen uk mehlel oh sohte irepe.

³⁵E sohte kak perenkihda uwen pweipwei ehu; sohte uwen kisakis ehu pahn kak kaitarala eh lingeringer.