Read Pohnpeian Melkahkahn Melkahka Kan 1 Bible Online

Melkahkahn Melkahka Kan 1 - Pohnpeian bible

Melkahkahn Melkahka Kan 1

¹En Solomon melkahka me keieu kaselel. Liho

²Komw kin metik wasa koaros ni paliwereiet; omwi limpoak me inenen iou sang wain.

³Mwaromwi kin katamandohng ie pwohmwahu en kalepemwi; sohte lih emen kak katokihedi eh limpoakohng komwi.

⁴Komwi ketikiniehda, kita eri tangdoaui; komwi en wiahla ei nanmwarki oh ketikiniehla nan sapwellimomwi pere. Kita pahn pereperenpene, sak wain, oh kalakalapwungki ata limpoak. Iei me lih koaros kin limpoak kihong komwi!

⁵Lihen Serusalem kan, I me toantoal ahpw masamwahu, toantoal rasehng impwal kan nan sapwtehn en Kedar, ahpw kaselel rasehng kahdeng kaselel kan nan tehnpesen Solomon.

⁶Kumwail dehr wiahkin ie me I me sakanakan pwehki pohn kiliet, pwe karakar en ketipin me kahrehda. Riei ko me lingeringerda pahi oh itonehng ie I en doadoahk nan mwetin wain. Ihme kahrehda sohla ei ahnsoun apwalih paliwereiet.

⁷Ei mwohnlimpoak, ndahdo mahs, Ia wasa me komw pahn kamwenge ie noumwi sihpw kan? Ia wasa re pahn rukusang ie karakar en ketipin ninsouwas? Dahme I en rapahkinkomwihki nanpwungen silepen sihpw teikan? Ohlo

⁸Kowe me keieu kaselel nanpwaungen lih akan, ia duwe, ke sohte ese wasao? Idawehnowei pelin sihpwo; rapahkihda wasa me noumw kuht kan pahn mwenge ie limwahn impwal kan en silepen sihpw kan.

⁹Kowe, ei mwohnlimpoak, ohl akan kin mwasimwasingkin uhk, 2 rasehng oahs wol akan ar kin inangih oahs lih kaselel me kin tangahki tehnweren Parao werennansapw en mahwen kan.

¹⁰Pitenmoangomw lingan pohn likin sepomw oh mwotoudi ni tepinweromw rasehng kisin takai kesempwal kan.

¹¹Se pahn wiahiong uhk ehu elin sihn kohl me silper pahn kapwata. Liho

¹²Ei nanmwarki ketin kipekip nan mwoale, oh pwohmwahu en ei leh kipehdi wasa.

¹³Ei mwohnlimpoak pwohtik pwohmwahu en mir ni eh kipekip pohn ei dihdi kat.

¹⁴Ei mwohnlimpoak rasehng rohs en nansapw akan me kin masal nan mwetin wain kan nan Engkedi. Ohlo

¹⁵Ia uwen omw kaselel, ei mwohnlimpoak; ia uwen poaren mesomw kan eh lingalingki omw limpoak! Liho

¹⁶Soangen omwi silang mwahu, ei mwohnlimpoak; ia uwen omwi kin kaparanihiehda! Dihpw kan pahn wia ata peht;

¹⁷tuhke sidar me pahn wia lohlo en imwata, oh tuhke saiprus me pahn wia denso.