Read Pohnpeian Melkahkahn Melkahka Kan 8 Bible Online

Melkahkahn Melkahka Kan 8 - Pohnpeian bible

Melkahkahn Melkahka Kan 8

¹Ia uwen ei men kowe me riei pwutak, me ineio kadihdihada. Eri, ni ei pahn tuhwong uhk nanial, I pahn kak en metik uhk oh sohte emen pahn suwedki.

²I pahn waiukala nan imwen inei, wasa me ke pahn padahkihong ie duwen limpoak. I pahn kihong uhk wain me doal warpwohmwahu, wain me wiawihdahsang pwohmakraneid kan.

³Pehmw palimeing mi pahn moangei, oh pehmw palimaun kin damwedamwer ie.

⁴Kumwail lihen Serusalem kan, kumwail inoukihong ie, me kumwail sohte pahn kadirapwahla at limpoak. Lihen Serusalem kan

⁵Ihs memenet me kohkohdohsang nan sapwtehn, kolokol pehn eh mwohnlimpoak? Liho I panginuhkada pahn tuhke apelo, wasa me ke ipwidi ieo.

⁶Ritingedi mohngiongomw sang limpoak en emen tohrohr; ngehi kelehpw me ke pahn kin pwoalehdi. Kehlail en limpoak duwehte mehla; ineng en limpoak rasehng kehlail en mehla. E kin luluda oh kamwasikahla wasa rasehng kisiniei kehlail.

⁷Sohte pihl kak kakunla; sohte lapake kak pwillahng powe. Ahpw ma emen pahn song en pwainkihda limpoak reken eh kepwe, e pahn mwamwahlla pahn aramas koaros. Rien Liho Pwutak kan

⁸Mie riat serepein men, oh eh dihdi kan wie tikitikte. Dahme se pahn wiahiong ma mwahnakapw men pahn peki en pwoudiki?

⁹Ma ih dihd ehu, se pahn kauwadahng wasahn doulik silper ehu. Ahpw ma ih ewen kehl ehu, se pahn didihkipene tuhke sidar. Liho

¹⁰Ngehi dihd ehu, oh ei dihdi kan me wia wasahn doulik. Ei mwohnlimpoako kin dehdehki pwe I kin diar ei nsenamwahu oh popohl reh. Ohlo

¹¹Solomon sapwellimaniki mwetin wain ehu nan tehnpas me adaneki Paal Amon. Mie soumwet kei me kohwahkihong; emenemen irail kin pwainkihong uwen mwohni silper kid.

¹²Me mwahu, Solomon en sapwellimaniki mwohni silper kido, oh soumwet kan en pwaiskihsang mwohni silper riepwikio; a ngehi, I tungoalenki mwetin wain tohrohr ehu me uhdahn pein ahi!

¹³Ei mwohnlimpoak, I men rong ngilomw sang nan mwetuwelo; 2 kompoakepahi kan awiawih pwe re en rong omw pahn lokaia. Liho

¹⁴Keido mahs, ei mwohnlimpoak, duwehte kasel men, duwehte tie wol pwulopwul men pohn nahna kan, wasa me warpwohmwahu kan kin keirda ie.