Read Pohnpeian Seremaia 30 Bible Online

Seremaia 30 - Pohnpeian bible

Seremaia 30

¹KAUN-O, Koht en Israel,

²ketin mahsanihong ie, “Ntingihedi nan ehu pwuhk soahng koaros me I mahsanihong uhk,

³pwehki ahnsou ehu kohkohdo me I pahn onehda sapahl nei aramas akan, iei mehn Suda oh Israel. I pahn kapwureiraildo nan sahpwo me I ketikihongehr ar pahpa kahlap ako, oh re pahn pwurehng wiahkihla sapwarail. Ngehi, KAUN-O, me mahmahsen.”

⁴KAUN-O ketin mahsanihong mehn Israel oh Suda,

⁵“I rongehr ngilen weriwer en masepwehk kowahlap ehu, weriwer en masepwehk, ahpw kaidehn werwer en meleilei.

⁶Uhdi oh medemedewe! Kakete ohl emen en naitikihada seri men? Dahme I kilikilangki ohl koaros wie kolokolki kapehdirail kan, likamwete lih emen me medek en neitik lelehr? Dahme aramas koaros poh reireiki?

⁷Rahn kamasepwehk ehu kohkohdo; saikinte rahn ehu me duwehte rahno-% ahnsoun apwal ong nei aramas akan, ahpw re pahn pitla.”

⁸KAUN-O, Wasa Lapalap, ahpw ketin mahsanih, “Ni rahno eh pahn leledo, I pahn kauwehla mehn wisik me salihpenehr tepinwararail kan oh ketikihsang selmete me salihirailpene, oh re solahr pahn wia lidun mehn liki kan.

⁹Ahpw, re pahn papah ie, KAUN-O, ar Koht, oh papah emen kadaudok en Depit, me I pahn kasapwilada en nanmwarki.

¹⁰“Kumwail nei aramas akan, kumwail dehr masak; kumwail mehn Israel kan, kumwail dehr masepwehkada. I pahn doareikumwailsang nan sahpw dohwo, sang nan sahpw me kumwail sensel ie. Kumwail pahn pwurodo nan uhdakamwail oh momour ni popohl; kumwail pahn saledek sang apwal, oh sohte me pahn kamasangkumwail.

¹¹I pahn ketido rehmwail oh doareikumwailla. I pahn kamwomwala wehi kan koaros me I kamwarangkumwaillahng ie, ahpw I sohte pahn kamwomwkumwailla; I sohte pahn mweidohng kumwail en kohkola sohte ale kalokolok; ahpw ni ei pahn kalokei kumwail, I pahn kin wia ni pwung. Ngehi, KAUN-O, me mahmahsen.”

¹²KAUN-O ahpw mahsanihong sapwellime aramas akan, “Amwail ohla kan sohte kak mwahula, amwail kens kan sohte kak mohdi.

¹³Sohte mehmen me kak apwalih kumwail, sohte wini ong amwail kens kan, sohte koapworopworpen kamwahu ehu ong kumwail.

¹⁴Amwail mwohnlimpoak koaros manokeikumwaillahr; re solahr poakepoakei kumwail. I mahweniong kumwail duwehte imwintihti men; amwail kalokolok me uk pwehki dipamwail kan me nohn ngeder, oh amwail wiewia suwed kan me laud mehlel.

¹⁵Kumwail dehr pwurehng kaulimki amwail ohla kan; sohte mehkot kak kamwawahwihala. I kalokei kumwail nin duwe met pwehki dipamwail kan me nohn ngeder, oh amwail wiewia suwed kan me laud mehlel.

¹⁶Ahpw met, I pahn kadallehla irail koaros me kadalleikumwaillahr, oh amwail imwintihti koaros pahn wisiksang nin duwen aramas selidi kei. Koaros me kahpwalihkumwailla pahn pil mihla nan apwal, oh koaros me kulihasang amwail kepwe pahn pil kulsang ar kepwe kan.

¹⁷I pahn pwurehng kamwahwihkumwailla; I pahn kamwahwihala amwail ohla kan, mehnda ma amwail imwintihti kan pahn nda, ‘Saion lekdeklahr; solahr emen me katapaniki.’ Ngehi, KAUN-O, me mahmahsen.”

¹⁸KAUN-O ketin mahsanih, “I pahn kapwurelahng nei aramas akan nan sapwarail, oh kupwurkalahngan ong peneinei koaros; Serusalem pahn onohnda sapahl, oh tehnpas en nanmwarkio pahn pil onohnda sapahl.

¹⁹Aramas akan me mi wasao pahn koulki koulen kaping; re pahn ngisingiski arail peren. Sang nan ei kupwurammwahu, re pahn ngederla; ei kupwuramwahu pahn kawauwihirailla.

²⁰I pahn onehda sapahl en wehio manaman en mahs ako oh kauwada pwe en pwurehng tengeteng; I pahn kaloke irail koaros me kahpwalihirailla.

²¹Arail kaun pahn kohdahsangete nan pein arail wehi, arail soupeidi sang nan pein ar aramas akan. E pahn patohdo rehi ni ei pahn malipe, pwe ihs me eimah oh kak patohdo ni ei sohte malipe? Re pahn wiahla nei aramas, oh I pahn wiahla ar Koht. Ngehi, KAUN-O, me mahmahsen.”

²²Arail kaun pahn kohdahsangete nan pein arail wehi, arail soupeidi sang nan pein ar aramas akan. E pahn patohdo rehi ni ei pahn malipe, pwe ihs me eimah oh kak patohdo ni ei sohte malipe? Re pahn wiahla nei aramas, oh I pahn wiahla ar Koht. Ngehi, KAUN-O, me mahmahsen.”

²³Sapwellimen KAUN-O engieng iei melimel ehu, tumwenieng kehlail ehu me pahn ipido pohn moangen me suwed kan. Tumwenieng wet sohte pahn tokedi lao e ketin kapwaiada mehkoaros me e kupwurki en wia. Sapwellime aramas akan pahn dehdehkihla mehlel irair wet ni ahnsou kan me pahn kohdo.

²⁴Sapwellimen KAUN-O engieng iei melimel ehu, tumwenieng kehlail ehu me pahn ipido pohn moangen me suwed kan. Tumwenieng wet sohte pahn tokedi lao e ketin kapwaiada mehkoaros me e kupwurki en wia. Sapwellime aramas akan pahn dehdehkihla mehlel irair wet ni ahnsou kan me pahn kohdo.