Read Pohnpeian Seremaia 7 Bible Online

Seremaia 7 - Pohnpeian bible

Seremaia 7

¹KAUN-O ahpw ketin poaroneielahng ni ewen kelen Tehnpas Sarawio, wasa me mehn Suda kan kin kohla wia ar kaudok ie. E mahsanihong ie I en uhda wasao oh pakairkihong aramas koaros dahme KAUN-O Wasa Lapalahpie, Koht en Israel, pahn mahsanihong irail: “Kumwail wekidala amwail mour oh mehkan me kumwail kin wiewia, eri, I pahn mweidohng kumwail en koukousoan wasaht.

²KAUN-O ahpw ketin poaroneielahng ni ewen kelen Tehnpas Sarawio, wasa me mehn Suda kan kin kohla wia ar kaudok ie. E mahsanihong ie I en uhda wasao oh pakairkihong aramas koaros dahme KAUN-O Wasa Lapalahpie, Koht en Israel, pahn mahsanihong irail: “Kumwail wekidala amwail mour oh mehkan me kumwail kin wiewia, eri, I pahn mweidohng kumwail en koukousoan wasaht.

³KAUN-O ahpw ketin poaroneielahng ni ewen kelen Tehnpas Sarawio, wasa me mehn Suda kan kin kohla wia ar kaudok ie. E mahsanihong ie I en uhda wasao oh pakairkihong aramas koaros dahme KAUN-O Wasa Lapalahpie, Koht en Israel, pahn mahsanihong irail: “Kumwail wekidala amwail mour oh mehkan me kumwail kin wiewia, eri, I pahn mweidohng kumwail en koukousoan wasaht.

⁴Kumwail dehr kamehlele lokaia likamw pwukat, ‘Kitail sohte mi nan apwal! Ih Tehnpas en KAUN-O met, ih Tehnpas en KAUN-O met, ih Tehnpas en KAUN-O met!’

⁵“Kumwail wekidala amwail mour oh mehkan me kumwail kin wiewia. Mehkoaros me kumwail kin wiahda nanpwungamwail en pwung oh pahrek pohmwail.

⁶Dehr epwelsuwedih mehn liki kan, me sepwoupwou kan, oh liohdi kan. Kumwail dehr kemehla aramas me soh dipe kan nan sahpwet. Pil dehr pwongih koht teikan, pwe mepwukat pahn kin kauweikumwailla.

⁷Ma kumwail pahn wekidala amwail mour, I pahn mweidohng kumwail en usehlahte koukousoan nan sahpwet me I kihongehr amwail pahpa kahlap ako pwe re en sapwenikihla kohkohlahte.

⁸“Kumwail kin koapworopworki lokaia likamw akan.

⁹Kumwail kin pirap, kamaramas, kamwahl, kahula likamw, wia meirong ong Paal, oh pwongih koht kan me kumwail sohte mwahn kin ese mahs.

¹⁰Kumwail kin wia mepwukat me I kin kalahdeki, kumwail ahpw kin kohdo oh uh mwohn silangi, nan Tehnpesei Sarawi wet, oh patohwan, ‘Se sohte mi nan apwal!’

¹¹Eri, ia duwe, kumwail lemeleme me Tehnpas wet wia wasahn ekihla aramas lipirap akan? I kilangehr dahme kumwail wiadahr.

¹²Eri, kumwail kohwei Sailo, wasa me I tepin pilada pwe I en ale kaudok ie, kumwail ahpw kadehde dahme I wiahiong wasao pwehki suwed en nei aramas en Israel ko.

¹³Kumwail wiadahr dihp pwukat koaros. Mehndahte ei pwurupwurehng mahmahseniong kumwail, a kumwail ahpw sohte men rong, oh kumwail sohte sapeng ei malipei kumwail.

¹⁴Eri, I pahn wiahiong Tehnpesei wet, me kumwail kin koapworopworki, soahngohte me I wiahiong Sailo. I pahn wiahda wasa kiset, me I kihong kumwail oh amwail pahpa kahlap ako, soahngohte me I wiahiong Sailo.

¹⁵I pahn kasareikumwailsang mwohi duwehte ei kasarehla kisehmwail ko, mehn Israel. Ngehi, KAUN-O, me mahmahsen.”

¹⁶KAUN-O ketin mahsanih, “Seremaia, ke dehr kapakapki aramas pwukat. Ke dehr likweriong ie de wia omw kapakap pwehki irail; ke dehr ngidingidkihong ie, pwe I sohte pahn rong uhk.

¹⁷Ke sohte kilang dahme re kin wiewia nan kahnimw en Suda kan oh nanial kan en Serusalem?

¹⁸Seri kan kin wesei tuwi, ohl akan kin saunda uhmw, oh lih akan kin kapalada pilawa, pwe re en umwunda kenen koht lih me re kin kahdaneki Lih Nanmwarkien Nanleng. Re pil kin meirongkihong koht teikan wain, pwe re en kalokehkin ie.

¹⁹Ahpw mehlel me ngehi me re kalokaloke? Pwe soh, re kalokaloke pein irail oh kahkahredohng pohrail kanamenek laud.

²⁰Eri, ngehi, KAUN-O Wasa Lapalahpie, pahn wudekihdiong pohn Tehnpas Sarawi wet ei engieng. I pahn wudekihdiong pohn aramas akan oh mahn akan, oh pil pohn tuhke kan oh wahnsahpw akan. Ei engieng pahn rasehng kisiniei me sohte emen kak kakunla.

²¹“Nei aramas akan, ekei meirong kumwail kin pwonte isikala pohn pei sarawio, oh ekei kin mweimweiong kumwail en kin tungoale. Ahpw ngehi, KAUN-O, mahsanih me e mwahu mehlel ma kumwail tungoalehla koaros.

²²Pwe ni ei kahluwahdo samamwail ko sang Isip, sohte kosonned ehu I kihong irail duwen meirong isihs kan de soangen meirong teikan.

²³Ahpw ihte me I koasoanediong irail, re en kin peikiong ie, pwe I en wiahla arail Koht oh re en wiahla nei aramas. I ahpw pil padahkihong irail re en kin weweidwei nin duwen me I koasoanediong irail, pwe re en kin paiamwahu.

²⁴Ahpw re sohte peikiong ie, de rong ie. Pwe re wiahda soahng koaros me pein ar mohngiong suwed oh keptakai kin ndaiong irail. Irail ahpw suwesuwedlahte, sohte mwahula.

²⁵Sang ni rahn me samamwail ko mweselsangehr Isip leledohng rahnwet, I kadarowei ei ladu kan, me iei soukohp kan.

²⁶Ahpw kumwail sohte men rong irail, de sohte dukiong irail. Kumwail ahpw keptakaila, oh kahngohdihla laudsang samamwail ko.

²⁷“Eri, Seremaia, ke pahn kihong irail mahsen pwukat koaros, ahpw re sohte pahn men rong uhk. Ke pahn likwerih irail, a re sohte pahn sapeng.

²⁸Ke pahn padahkihong irail me ar wehi solahr peikiong ie, KAUN-O ar Koht, de re sohte pahn ale padahk sang ni ar lokolok. Loalopwoat sohralahr. Pil solahr me men koasoia duwe.”

²⁹“Kumwail mehn Serusalem kan, kumwail mwahiei; kumwail sehkasang pitenmoangamwail oh kesepwekehla. Kumwail wia koulen kedepwidepw kan pohn dohl kan, pwehki ngehi, KAUN-O, engiengdahr oh soikalahr nei aramas akan.

³⁰“Mehn Suda kan wiadahr mehkot suwed. Re kihdiongehr ar dikedik en eni kan me I kin kalahdeki nan Tehnpesei Sarawio oh kasaminehkihla.

³¹Re kauwadahr nan Wahun Innom pei sarawi ehu me adaneki Doped, pwe re en kin wiahki meirong isihs nair pwutak oh serepein kan. A I sohte koasoanediong irail re en wia soahng wet-I pil sohte mwahn kupwukupwure soahng wet.

³²Eri, ahnsou ehu pahn kohdo me wasaht sohla pahn adaneki Doped de Wahun Innom, ahpw e pahn adanekihla Wahun Kamakamala. Re pahn sarepedi aramas akan wasao pwehki eh pahn sohla ekis wasa me re en sarepiraildi ie.

³³Paliweren me melahr akan pahn wiahla kenen menpihr kan oh mahn lawalo kan, pwe sohte me pahn karawansang mahn akan wasao.

³⁴Sahpwo pahn wiahla sapwtehn. I pahn katokihedi ngilen peren oh ngisingis kan, oh pil kamadipw en kapwopwoud kan, nan kahnimw kan en Suda, oh nanial akan en Serusalem.”