Read Pohnpeian Nempe Kan 29 Bible Online

Nempe Kan 29 - Pohnpeian bible

Nempe Kan 29

¹Ni keieun rahnen keisuhn sounpwong kumwail pahn pokonpene pwehn wia kaudok, oh sohte doadoahk pahn wiawi rahno. Ni rahno sowi kan pahn pepeuk.

²Kumwail pahn patohwandahng KAUN-O meirong isihs ehu, me pwowe pahn kin kaparanda kupwure: koupwul wol men, sihpw wol men, oh sihmpwul wol isimen me sounpar ehu, me sohte kisin samin kis rehrail.

³Pil wia meirong en wahnsahpw me kin wiawi: pilawa doal lehn olip, paun 6 ong kouo, paun 4 ong sihpwo,

⁴oh paun 2 ong emenemen sihmpwul.

⁵Kumwail pahn pil meirongki emen kuht wol mehn wia meirong en dihp, met iei duwen amwail pahn wia sarawien kamwakele aramas akan.

⁶Kumwail pahn meirongki mepwukat pwehn patehng meirong isihs en keieun rahnen sounpwong iangahki meirong en wahnsahpw oh meirong isihs en rahn koaros iangahki meirong en wahnsahpw oh wain. Pwohn meirong en konot pwukat kin kaparanda kupwur en KAUN-O.

⁷Ni kaeisek en rahnen keisuhn sounpwong kumwail pahn pokonpene pwehn wia kaudok, kumwail pahn kaisihsol oh sohte doadoahk pahn wiawi rahno.

⁸Kumwail meirongkihong KAUN-O meirong isihs ehu, me pwowe kin kaparanda kupwure: koupwul wol men, sihpw wol men, oh sihmpwul wol isimen me sounpar ehu, me sohte kisin samin kis rehrail.

⁹Kumwail pil pahn meirongki wahnsahpw me kin wiawi: pilawa me doal lehn olip, paun 6 ong kouo, paun 4 ong sihpwo,

¹⁰oh paun 2 ong emenemen sihmpwul.

¹¹Kumwail pil pahn meirongki emen kuht wol mehn wia meirong en dihp, me pahn patehng meirong en kuht me kin wia sarawien kamwakele aramas akan, oh meirong isihs en rahn koaros iangahki meirong en wahnsahpw oh wain.

¹²Kumwail pahn pokonpene pwehn wia kaudok ni kaeisek limaun rahnen keisuhn sounpwong. Kumwail pahn wia sarawi wet pwehn kawauwih KAUN-O erein rahn isuh oh sohte me pahn doadoahk.

¹³Ni keieun rahn pwukat kumwail pahn meirongkihong KAUN-O meirong en konot ehu, me pwowe kin kaparanda kupwure: koupwul wol ehk silimen, sihpw wol riemen, oh sihmpwul wol ehk pahmen me sounpar ehu, me sohte kisin samin kis rehrail.

¹⁴Pil wia meirong en wahnsahpw: pilawa me doal lehn olip, paun 6 ong emenemen kou, paun 4 ong emenemen sihpw wol,

¹⁵oh paun 2 ong emenemen sihmpwul, iangahki meirong en wain kan me koasoandier.

¹⁶Pil meirongkihla emen kuht wol ong ni meirong en dihp. Meirong pwukat pahn patehng meirong isihs en rahn koaros iangahki meirong en wahnsahpw oh meirong en wain.

¹⁷Ni keriaun rahn kumwail pahn meirongki koupwul wol ehk riemen, sihpw wol riemen, oh sihmpwul wol ehk pahmen me sounpar ehu, me sohte kisin samin kis rehrail.

¹⁸Kumwail pil iangahki soangen meirong ko me wiawiher ni keieun rahno.

¹⁹Kumwail pil iangahki soangen meirong ko me wiawiher ni keieun rahno.

²⁰Ni kesiluhn rahn kumwail pahn meirongki koupwul wol ehk emen, sihpw wol riemen, oh sihmpwul wol ehk pahmen, me sohte kisin samin kis rehrail.

²¹Kumwail pil iangahki soangen meirong ko me wiawiher ni keieun rahno.

²²Kumwail pil iangahki soangen meirong ko me wiawiher ni keieun rahno.

²³Ni kapahieun rahn kumwail pahn meirongki koupwul wol ehk, sihpw wol riemen, oh sihmpwul wol ehk pahmen, me sohte kisin samin kis rehrail.

²⁴Kumwail pahn iangahki soangen meirong ko me wiawiher ni keieun rahno.

²⁵Kumwail pahn iangahki soangen meirong ko me wiawiher ni keieun rahno.

²⁶Ni kelimaun rahn kumwail pahn meirongki koupwul wol duwemen, sihpw wol riemen, oh sihmpwul wol ehk pahmen, me sohte kisin samin kis rehrail.

²⁷Kumwail pahn iangahki soangen meirong ko me wiawiher ni keieun rahno.

²⁸Kumwail pahn iangahki soangen meirong ko me wiawiher ni keieun rahno.

²⁹Ni keweneun rahn kumwail pahn meirongki koupwul wol welimen, sihpw wol riemen, oh sihmpwul wol ehk pahmen, me sohte kisin samin kis rehrail.

³⁰Kumwail pahn iangahki soangen meirong ko me wiawiher ni keieun rahno.

³¹Kumwail pahn iangahki soangen meirong ko me wiawiher ni keieun rahno.

³²Ni keisuhn rahn kumwail pahn meirongki koupwul wol isimen, sihpw wol riemen, oh sihmpwul wol ehk pahmen, me sohte kisin samin kis rehrail.

³³Kumwail pahn iangahki soangen meirong ko me wiawiher ni keieun rahno.

³⁴Kumwail pahn iangahki soangen meirong ko me wiawiher ni keieun rahno.

³⁵Ni kawaluhn rahn kumwail pahn pokonpene wia kaudok oh sohte me pahn doadoahk.

³⁶Kumwail pahn meirongkihong KAUN-O meirong en konot ehu, me pwowe kin kaparanda kupwure: koupwul wol men, sihpw men, oh sihmpwul wol isimen, me sohte kisin samin kis rehrail.

³⁷Kumwail pahn iangahki soangen meirong ko me wiawiher ni keieun rahno.

³⁸Kumwail pahn iangahki soangen meirong ko me wiawiher ni keieun rahno.

³⁹Ih koasoandi pwukat me pid meirong isihs kan, meirong en wahnsahpw, meirong en wain, oh meirong en kaminimin me kumwail pahn kin wiahiong KAUN-O ni rahnen sarawi me kileldier kan. Iei mepwukat me pahn patehng meirong kan me kumwail pahn kin wia pwe kumwail en kapwaiada inou ehu de me kumwail wia ni pein nsenamwail.

⁴⁰Moses eri patohwanohng mehn Israel ko mekoaros me KAUN-O mahsanihong.