Read Pohnpeian Nempe Kan 3 Bible Online

Nempe Kan 3 - Pohnpeian bible

Nempe Kan 3

¹Iet peneineien Aaron oh Moses ni ahnsou me KAUN-O ketin mahseniong Moses pohn Nahna Sainai.

²Aaron naineki pwutak pahmen: Nadap, iei ih me keieu laud, Apihu, Eleasar, oh Idamar.

³Moses keieiraildier oh kasarawihirailla ong samworo,

⁴ahpw Nadap oh Apihu kamakamala ni ahnsou me ira meirongkihong KAUN-O kisiniei keinepwi nan Sapwtehn Sainai. Sohte neira seri, Eleasar oh Idamar wiewiahki doadoahk en samworo nindokon Aaron eh momour.

⁵KAUN-O ketin mahsanihong Moses,

⁶“Ekerodo kadaudok en Lipai oh kilelehdi pwe re en kin papah samworo Aaron.

⁷Re pahn wia doadoahk me anahnepe mie nan Impwal me I pahn kin ketiket loale oh wia en Aaron pwukao kan oh en mehn Israel kan koaros.

⁸Re pahn apwalih dipwisou kan en nan Impwalo oh wia doadoahk ong mehn Israel kan koaros.

⁹Ihte en mehn Lipai kan ar pwukoa, iei re en papah Aaron oh nah pwukat ko.

¹⁰Ke pahn pilada Aaron oh nah pwutak kan pwe re en wiewia pwukoahn samworo; mehmen me pahn song en iang wia pwukoa wet pahn kamakamala.”

¹¹KAUN-O ketin mahsanihong Moses,

¹²“Sang met kohla mehn Lipai kan pahn wiahla nei aramas. Ni ei kemehla mesenih en mehn Isip ko, I kasarawihong ie mesenih en ehuehu peneineien mehn Israel oh mesenih en nair mahn koaros pwe re en wiahla nei. Met I piladahr mehn Lipai kan pwe re en wiahla nei, wiliandi mesenih en mehn Israel kan. Re wialahr nei aramas. Ngehi me KAUN-O.”

¹³“Sang met kohla mehn Lipai kan pahn wiahla nei aramas. Ni ei kemehla mesenih en mehn Isip ko, I kasarawihong ie mesenih en ehuehu peneineien mehn Israel oh mesenih en nair mahn koaros pwe re en wiahla nei. Met I piladahr mehn Lipai kan pwe re en wiahla nei, wiliandi mesenih en mehn Israel kan. Re wialahr nei aramas. Ngehi me KAUN-O.”

¹⁴KAUN-O mahsanihong Moses nin Sapwtehn Sainai

¹⁵en ntingihedi mehn Lipai ko nin duwen ar peneinei, kilelehdi ohl koaros me mahki sounpwong ehu kohda.

¹⁶Moses eri kapwaiada.

¹⁷Lipai naineki pwutak silimen: Kerson, Kohad oh Merari, irail me pahpa kahlap en peneinei kan me weuwa adarail ko. Kerson naineki pwutak riemen: Lipni oh Simei; Kohad naineki pwutak pahmen: Amram, Isar, Epron, oh Ussiel; oh Merari naineki pwutak riemen: Mahli oh Musi. Irail me wia pahpa kahlap en peneinei kan me weuwa adarail kan.

¹⁸Lipai naineki pwutak silimen: Kerson, Kohad oh Merari, irail me pahpa kahlap en peneinei kan me weuwa adarail ko. Kerson naineki pwutak riemen: Lipni oh Simei; Kohad naineki pwutak pahmen: Amram, Isar, Epron, oh Ussiel; oh Merari naineki pwutak riemen: Mahli oh Musi. Irail me wia pahpa kahlap en peneinei kan me weuwa adarail kan.

¹⁹Lipai naineki pwutak silimen: Kerson, Kohad oh Merari, irail me pahpa kahlap en peneinei kan me weuwa adarail ko. Kerson naineki pwutak riemen: Lipni oh Simei; Kohad naineki pwutak pahmen: Amram, Isar, Epron, oh Ussiel; oh Merari naineki pwutak riemen: Mahli oh Musi. Irail me wia pahpa kahlap en peneinei kan me weuwa adarail kan.

²⁰Lipai naineki pwutak silimen: Kerson, Kohad oh Merari, irail me pahpa kahlap en peneinei kan me weuwa adarail ko. Kerson naineki pwutak riemen: Lipni oh Simei; Kohad naineki pwutak pahmen: Amram, Isar, Epron, oh Ussiel; oh Merari naineki pwutak riemen: Mahli oh Musi. Irail me wia pahpa kahlap en peneinei kan me weuwa adarail kan.

²¹Peneineien Kerson kispeseng wiahda peneineien Lipni oh Simei.

²²Ohl koaros mehn Lipai me mahkier sounpwong ehu kohda patpene wiahda me 7,500.

²³Peneinei wet pahn kauwada imwarail impwal kan ni palikapi en Impwalo.

²⁴Eliasap, nein Lael me pahn wia kaunen peneinei wet.

²⁵Irail pahn pwukoahki Impwalo, pwelengen masloale oh liki, kahdeng en wenihmw,

²⁶kahdeng en kehl me kapilpene Impwalo oh pei sarawio, oh kahdeng en wenihmwen kehlo. Irail me pwukoahki doadoahk koaros me pid dipwisou pwukat.

²⁷Peneineien Kohad kispeseng wiahda peneineien Amram, Isar, Epron, oh Ussiel.

²⁸Ohl koaros mehn Lipai me mahkier sounpwong ehu kohda patpene wiahda me 8,600.

²⁹Peneinei wet pahn kauwada imwarail impwal kan ni palieir en Impwalo,

³⁰Elisapan, nein Ussiel me kaunen peneinei wet.

³¹Irail me pwukoahki Kohpwahn Inowo, tehpelo, dewen lampo, pei sarawi ko, oh kepwehn kamwakel me samworo kin doadoahngki Wasa Sarawio, oh kahdeng en wenihmwen Wasa Sarawiheo. Irail me pwukoahki doadoahk me pid dipwisou pwukat.

³²Kaunen mehn Lipai ko iei Eleasar, nein Aaron. Ih me kin kaun irail me wiewia ar pwukao kan nan Wasa Sarawio.

³³Peneineien Merari kispeseng wiahda peneinei kan en Mahli oh Musi.

³⁴Ohl koaros mehn Lipai me mahkier sounpwong ehu kohda patpene wiahda me 6,200.

³⁵Peneinei wet pahn kauwada imwarail impwal kan ni paliepeng en Impwalo, oh Suriel, nein Apieil me kaunen peneinei wet.

³⁶Re kileldi en pwukoahki uhr en Impwalo, ndape kan, lepin uhr ko, poahsoane, oh soahng teikan koaros. Re pwukoahki doadoahk koaros me pid dipwisou pwukat.

³⁷Re pil pwukoahki lepin uhr, poahsoane, tuhkehn kateng, oh sahl en likin kehlo.

³⁸Moses oh Aaron oh nah pwutak ko pahn kauwada imwarail impwal kan mwohn Impwalo ni palimese. Re pahn wia en mehn Israel kan ar kaudok nan Wasa Sarawio. Ma emen tohrohr pahn song en wia doadoahk pwukat pahn kamakamala.

³⁹Ohl koaros mehn Lipai me mahkier sounpwong ehu kohda me Moses ngtingihedi ni wadepen peneinei duwen me KAUN-O mahsanih, irail me 22,000.

⁴⁰KAUN-O mahsanihong Moses, “Ngehi me naineki mesenih en mehn Israel kan koaros. Eri ngtingihedi eden mesenih pwutak koaros en Israel, sang me sounpwong ehu kohda. Ahpw mehn Lipai koaros me I naineki wiliandi mesenih koaros en Israel. Ngehi me KAUN-O! I pil naineki pelimen koaros en mehn Lipai.”

⁴¹KAUN-O mahsanihong Moses, “Ngehi me naineki mesenih en mehn Israel kan koaros. Eri ngtingihedi eden mesenih pwutak koaros en Israel, sang me sounpwong ehu kohda. Ahpw mehn Lipai koaros me I naineki wiliandi mesenih koaros en Israel. Ngehi me KAUN-O! I pil naineki pelimen koaros en mehn Lipai.”

⁴²Moses eri kapwaiada mehkoaros me KAUN-O mahsanihong oh ntingihedi mesenih ohl koaros me mahkier sounpwong ehu kohda;

⁴³eri irail koaros patpene me 22,273.

⁴⁴KAUN-O ketin mahsanihong Moses,

⁴⁵“Met kasarawihong ie mehn Lipai kan wiliandi mesenih ohl koaros en mehn Israel, oh nein mehn Lipai pelinmen kan wiliandi nein mehn Israel mesenih en mahn akan.

⁴⁶Pwehki mesenih en mehn Israel kan ar tohtohkihsang mesenih en mehn Lipai kan aramas 273, ke pahn pwainda mesenih 273-o.

⁴⁷Emenemen mesenih pahn pweipweiki mwohni silper limau nin duwen me koasoandier.

⁴⁸Ke pahn kihong Aaron oh nah pwutak ko mwohni wet.”

⁴⁹Moses eri kapwaiada mahsen wet oh ale

⁵⁰mwohni silper 1,365

⁵¹oh kihong Aaron oh nah pwutak ko.