Read Pohnpeian Sosua 15 Bible Online

Sosua 15 - Pohnpeian bible

Sosua 15

¹Peneinei kan en kadaudok en Suda ale peliensapw nin duwen me pahn wad pah: sahpw me mihmi oh leldilahng palieir en sapwtehn Sin, ni irepen Edom.

²Irepen palieir tangasang ni palieir en Sehden Mehla,

³oh kohla ni palieir sang ni Wasahn Kot en Akrappim oh tang kolahng Sin. E tang ni palieir en Kades Parnea daulih Esron oh kohdahla Addar, wetlahng Karka,

⁴oh inenlahng Asmon oh idawehn piletik ni irepen Isip oh kolahng ni Sehd Mediderenien, iei was me irepen sahpwo imwisekla ie. Ih met irepen palieir en Suda.

⁵Palikapi en irepen Suda iei Sehden Mehla, e ahpw uhd kohdala lel wasa me pilen Sordan kin kusla ie. Irepen paliepeng tapihada wasao,

⁶oh tang kohdahla Ped Okla oh kolahng paliepeng lel nahna kan me saldidohng Wahun Sordan. E ahpw uhd tang kohdalahng takai en Pohan (Pohan iei nein Reupen),

⁷oh sang Wahun Apwal kolahng Depir, e ahpw uhd wetlahng paliepeng kolahng Kilkal, me salehngete Wasahn Kot en Adummin ni palieir en wahwo. E ahpw uhd tang kolahng pwarer kan en Ensemes oh kohla Enrokel,

⁸e ahpw kohdahla daulih Wahun Innom ni palieir en dohl wasa me kahnimw en mehn Sepus kan me iei Seruselem mi ie. Irepen sahpwo ahpw douluhldahla pohn dohlo ni palikapi en Wahun Innom, ni imwin paliepeng en Wahun Repaim.

⁹E ahpw wet wasao kolahng ni Pwarer kan en Neptoa ahpw uhd kohieila ni kahnimw kan limwahn Nahna Epron. Sang mwo e ahpw wetlahng Paala (de Kiriad Searim),

¹⁰wasa e kapilpene palikapi en Paala kolahng wasa nahnahn Edom, kohdala paliepeng en Nahna Searim (de Kesalon), e ahpw kohdilahng Ped Semes, oh douluhlahng Timna.

¹¹Irepen sahpwo kohdala ni dohl en paliepeng en Ekron, wetlahng Sikkeron, doulih Nahna Paala oh inenlahng Samnia. E ahpw imwisekla ni Sehd Mediderenien,

¹²me wia irepen palikapi. Iei nan sahpw pwukat me peneinei kan en Suda kin kousoan ie.

¹³Nin duwen me KAUN-O ketin mahsanihong Sosua, peliensapw pali sang nan sapwen Suda kohieng Kalep, nein Sepune, sang ni kadaudok en Suda. Kalep eri ale Epron, en Arpa kahnimw, Arpa semen Anak.

¹⁴Kalep eri kausala kadaudok en Anak ko sang nan kahnimwo-% iei peneineien Sesai, Aiman oh Talmai.

¹⁵E ahpw kohsang wasao kohla mahweniong aramas ako me kin kousoan Depir. (Kahnimw wet kin adaneki mahs Kiriad Seper.)

¹⁶Kalep eri nda, “I pahn kihong nei serepein Aksa en pwoudiki ohl me pahn kalowehdi Kiriad Seper.”

¹⁷Odniel, nein rien Kalep ohl ede Kenas, ahpw kalowehdi kahnimwo, Kalep eri kihong nah serepeino pwe en pwoudikihda.

¹⁸Ni rahn en kapwopwoudo, Odniel ahpw kangngoangehki serepeino en pekihda sang rehn eh pahpao ehu peliensapwen. Serepeino eri doudihsang pohn dakepe ahso, a Kalep ahpw idek reh dahme e mwahuki.

¹⁹E ahpw sapeng, ketihtihki, “I mwahuki sahpw me mie pwarer ie. Sahpw me ke kihong ieo me madekeng.” Kalep eri kihong nah serepeino pwarer ekei me mi powe oh pah nan sahpwo.

²⁰Iet sahpw me peneinei kan en kadaudok en Suda sapwenikihla.

²¹Eri, kahnimw kan me uhdahn arail ni palieir, me mi ni irepen Edom iei: Kapseel, Eder Sakur,

²²Kina, Dimona, Adada,

²³Kedes, Asor, Idana,

²⁴Sip, Telem, Pealod,

²⁵Asor Adatta, Keriod Esron (de Asor),

²⁶Amam, Sema, Molada,

²⁷Asar Kadda, Esmon, Pedpelet,

²⁸Asar Sual, Peersepa, Pisiodia,

²⁹Paala, Im, Esem.

³⁰Eltolad, Kesil, Orma,

³¹Siklak, Madmanna, Sansanna,

³²Lapaod, Silim, Ain, oh Rimmon: koaros patpene me rieisek duwau, iangahki kahnimw kan me kapilpene.

³³Kahnimw kan me mi ni tepin dohl akan iei Estaol, Sora, Asna,

³⁴Sanoa, Engannim, Tappua, Enam,

³⁵Sarmud, Adullam, Soko, Aseka,

³⁶Saaraim, Adidaim, Kedera oh Kederodaim; koaros patpene me eisek pahieu iangahki kisin kahnimw kan me kapilirailpene.

³⁷Pil kahnimw kei iei Senan, Adasa, Mikdalkad,

³⁸Dilean, Mispah, Sokdeel,

³⁹Lakis, Poskad, Eklon,

⁴⁰Kappon, Lahmam, Kitlis,

⁴¹Kederod, Peddakon, Naama oh Makeda: koaros patpene me eisek weneu, iangahki kisin kahnimw tikitik kan me kapilpene.

⁴²Pil mie kahnimw kei iei Lipna, Eder, Asan,

⁴³Ipta, Asna, Nesip,

⁴⁴Keila, Aksip oh Maresa: kahnimw duwau iangahki kisin kahnimw kei me kapilpene.

⁴⁵Pil Ekron iangahki kisin kahnimw kan oh kousapw akan,

⁴⁶oh kahnimw koaros oh kisin kahnimw kan me karanih Asdod, sang Ekron kolahng Sehd Mediderenien.

⁴⁷Pil kahnimw kan en Asdod oh Kasa, iangahki kisin kahnimw oh kousapw akan me irek pohn keilen pillap lel ni irepen Isip oh lel ni oaroahr en Sehd Mediderenien.

⁴⁸Oh wasa nahnahn sahpwo, iei kahnimw Samir, Sattir, Soko,

⁴⁹Danna, Kiriad Seper (de Depir),

⁵⁰Anap, Estemoa, Anim,

⁵¹Kosen Olon, oh Kilo: koaros patpene me eisek ehu, iangahki kisin kahnimw kan me kapilirailpene.

⁵²Kahnimw kan eh Arap, Duma, Esan,

⁵³Sanim, Ped Tappua, Apeka,

⁵⁴Umta, Epron, oh Sior: koaros patpene me eisek, iangahki kisin kahnimw kan me kapilirailpene.

⁵⁵Kahnimw kan en Maon, Karmel, Sip, Sutta,

⁵⁶Sesreel, Sokdeam, Sanoa,

⁵⁷Kain, kipea, oh Timna: koaros patpene me eisek, iangahki kisin kahnimw kan me kapilirailpene.

⁵⁸Kahnimw Alul, Pedsur, Kedor,

⁵⁹Maarad, Pedanod oh Eltekon: koaros patpene me weneu, iangahki kisin kahnimw kan me kapilirailpene.

⁶⁰Kahnimw en Kiriad Paal (de Kiriad Searim) oh Rappa: kahnimw riau, iangahki kisin kahnimw me kapilirailpene.

⁶¹Nan saptehno kahnimw Ped Arapa, Middin, Sekaka,

⁶²Nipsan, Kahnimw en Soahl, oh Engkedi: kahnimw weneu, iangahki kisin kahnimw kan me kapilirailpene.

⁶³Ahpw mehn Suda ko sohte kak kasarehsang mehn Sepus ko me koukousoan Serusalem. Mehn Sepus ko mihmihte Serusalem rehn mehn Suda ko.