Read Pohnpeian Sosua 19 Bible Online

Sosua 19 - Pohnpeian bible

Sosua 19

¹Keriaun kileldi en sahpw wiawihong peneinei kan me kadaudok en Simion. Sahpwo lellahng sahpw me kohieng kadaudok en Suda.

²E iangahki Peersepa, Sipa, Molada,

³Asar, Sual, Pala, Esem,

⁴Eldolad, Pedul, Orma,

⁵Siklak, Ped Markapod, Asar Susa,

⁶Ped Lapaod, oh Saruhen: koaros patpene me eisek siluh, iangahki kahnimw kan me kapilirailpene.

⁷Pil mie Ain, Rimmon, Eder, oh Asan: koaros patpene me pahieu, iangahki kahnimw kan me kapilirailpene.

⁸Pil iangahki kahnimw koaros me kapilpene kahnimw pwukat lellahng Paalad Peer (de Rama), me mi ni palieir. Ih sahpw wet me kohieng sapwen peneinei kan en kadaudok en Simion.

⁹Pwehki sapwen Suda eh siksang uwen me re anahne, kahrehda ekis wasa nan sahpwo kohieng kadaudok en Simion.

¹⁰Kesiluhn kileldi en sahpw wiawihong peneinei kan me kadaudok en Sepulon. Sahpw me kohieng irail lellahng Sarid.

¹¹Irepen sahpwo tepisang mwo kolahng palikapi lel Mareal oh tang limwahn irepen Dappesed oh piletik me mi palimesehn Sokneam.

¹²Ni pali teio en Sarid e tang kolahng palimesehn irepen Kislod Tapor, e ahpw inenlahng Daperad oh kohdahla Sapia.

¹³E ahpw doulluhl sang wasao kolahng palimese ong Kad Eper oh Edkatin, e ahpw wet kolahng Nead ni ahl en Rimmon.

¹⁴Ni paliepeng irepen sahpwo tang kolahng Annadon, oh ididi ni Wahun Iptahel.

¹⁵E iangahki Kattad, Nahalal, Simron, Idala, oh Pedleem: kahnimw eisek riau, iangahki kisin kahnimw kan me kapilirailpene.

¹⁶Kahnimw pwukat iangahki kisin kahnimw kan me mihte nan sahpw me kohieng sapwen peneinei kan en kadaudok en Sepulon.

¹⁷Kapahieun kileldi en sahpw wiawihong peneinei kan en kadaudok en Isakar.

¹⁸Uwen sahpw wet pil iangahki Sesreel, Kesulod, Sunem,

¹⁹Aparaim, Sion, Anaharad,

²⁰Rappid, Kision, Epes,

²¹Remed, Engannim, Enadda oh Pedpasses.

²²Irepen sahpwo pil tang limwahn Tapor, Sahasuma, oh Ped Semes oh ididi ni Pillap Sordan. E iangahki kahnimw eisek weneu oh kisin kahnimw kan me kapilirailpene. Kahnimw pwukat iangahki kisin kahnimw kan me mi nan sahpw me kohieng sapwen peneinei kan en kadaudok en Isakar.

²³Kahnimw pwukat iangahki kisin kahnimw kan me mi nan sahpw me kohieng sapwen peneinei kan en kadaudok en Isakar.

²⁴Kelimaun kileldi en sahpw wiawihong peneinei kan en kadaudok en Aser.

²⁵Uwen sahpw wet me iangahki Elkad, Ali, Peten, Aksap,

²⁶Allam Melek, Amad, oh Misal. Ni palikapi e lellahng Karmel oh Sihor Lipnad.

²⁷Ni eh wet kolahng palimese, irepen sahpw tang kolahng Peddakon, oh lel irepen Sepulon oh Wahun Iptahel kolahng paliepeng en Pedemek oh Neiel. E ahpw douluhlla kolahng Kapul ni paliepeng,

²⁸Epron, Rehop, Ammon oh Kana lellahng Saidon.

²⁹Irepen sahpwo ahpw uhd wetlahng Rama, oh lellahng kahnimw me kehl kehlail, me iei Dair; e ahpw wetlahng Osa oh ididi ni Sehd Mediderenien. E iangahki kahnimw pwukat: Mahalap, Aksip,

³⁰Umma, Apek oh Rehop: kahnimw rieisek riau iangahki kisin kahnimw kan me kapilirailpene.

³¹Kahnimw pwukat iangahki kisin kahnimw kan mihte nan sahpw me kohieng sapwen peneinei kan en kadaudok en Aser.

³²Keweneun kileldi en sahpw wiawihong peneinei kan en kadaudok en Napdali.

³³Irepen sahpw wet tepisang Elep kolahng tuhke ohk me mi Saanannim, oh kolahng Adaminekep oh Samnia, pil lellang Lakkum oh ididi ni Pillap Sordan.

³⁴Irepen sahpwo ahpw wet wasao kolahng Asnod Tapor ni palikapi, oh sang mwo ahpw tang kolahng Ukkok limwahn Sepulon ni palieir, Aser ni palikapi oh Pillap Sordan ni palimese.

³⁵Kahnimw kan me ahneki kehl kehlail iei Siddim, Ser, Amad, Rakkad, Kinnered,

³⁶Adama, Rama, Asor,

³⁷Kedes, Edrei, Enasor,

³⁸Wairon, Mikdalel, Orem, Pedanad, oh Ped Semes: kahnimw eisek duwau, iangahki kisin kahnimw kan me kapilirailpene.

³⁹Kahnimw pwukat iangahki kisin kahnimw kan me mihte nan sahpw me kohieng sapwen peneinei kan en kadaudok en Sepulon.

⁴⁰Keisuhn kileldi en sahpw wiawihong peneinei kan en kadaudok en Dan.

⁴¹Uwen sahpw wet me iangahki Sora, Estaol, Irsemes,

⁴²Saalpim, Aisalon, Idla,

⁴³Elon, Timna, Ekron,

⁴⁴Elteke, Kippedon, Paalad,

⁴⁵Sehud, Peneperak, Kadrimmon,

⁴⁶Masarkon oh Rakkon, iangahki sahpw me kapil Sopa.

⁴⁷Ahnsou me tohn Dan pwupwusang nan sapwarailo, re kohla Lais pwe re en mahweniong. Re ahpw kalowehdi, kemehla towe kan oh sapwenikihla. Re ahpw soandiong nan sahpwo oh wekidala eden sahpw wekidiong ni Dan, eden ar pahpa kahlapo.

⁴⁸Kahnimw pwukat iangahki kisin kahnimw kan me mihte nan sahpw me kohieng sapwen peneinei kan en kadaudok en Dan.

⁴⁹Ni mehn Israel ko ar kanekehla nehsapw wet, re ahpw kihong sapwen Sosua, nein Nun peliensapw pali.

⁵⁰Duwen me KAUN-O ketin koasoanehdi, re kihong kahnimw me e pekihda: iei Timnad Sera, nan sahpw nahnahn Epraim. Ih eri onehda sapahl kahnimwo oh kousoanla ie.

⁵¹Samworo Eleasar, Sosua nein Nun, oh kaunen peneinei kan me kadaudok en mehn Israel kan nehkpeseng peliensapw pwukat ni usuhs pwe re en rapahki kupwur en KAUN-O nan Sailo, ni wenihmwen Impwal me KAUN-O kin ketiket loale. Ih met mwomwen ar nehkpeseng sahpwo.