Read Pohnpeian Sosua 5 Bible Online

Sosua 5 - Pohnpeian bible

Sosua 5

¹Eri, nanmwarkien Amor koaros me mihmi palikapi en Sordan, oh nanmwarkien Kenan koaros me mihmi limwahn Sehd Mediderenien, re rongadahr me KAUN-O ketin kammadahda Pillap Sordan ni ahnsou me mehn Israel kan kotehdo pillapo. Irail eri loaltikitikla oh masakada mehn Israel kan.

²Eri, KAUN-O ahpw ketin mahsanihong Sosua, “Wiahda ekei naip sang takai toal, oh sirkumsaisihala ohlen Israel kan.”

³Sosua eri kapwaiada mahsen en KAUN-O oh sirkumsaisihirailla pohn uluhl ehu me re kahdaneki Uluhl en Sirkumsais.

⁴Ni ahnsou me mehn Israel ko mweselsang Isip ohl koaros sirkumsaislahr. A ni rahn pahiseko me re kohkohseli nan sapwtehno, re sohte sirkumsaisihala neirail pwutak kan. Oh ni imwilahn sounpar ako, ohl koaros me kak mahwen ni ar mweselsang Isip, re melahr, pwehki arail sohte peikiong KAUN-O. Eri, nin duwen eh ketin kahukihla, KAUN-O sohte ketin mweidohng irail en kilang sahpw reken kepwe oh pwel mwahu me e ketin inoukihong arail pahpa kahlap ako.

⁵Ni ahnsou me mehn Israel ko mweselsang Isip ohl koaros sirkumsaislahr. A ni rahn pahiseko me re kohkohseli nan sapwtehno, re sohte sirkumsaisihala neirail pwutak kan. Oh ni imwilahn sounpar ako, ohl koaros me kak mahwen ni ar mweselsang Isip, re melahr, pwehki arail sohte peikiong KAUN-O. Eri, nin duwen eh ketin kahukihla, KAUN-O sohte ketin mweidohng irail en kilang sahpw reken kepwe oh pwel mwahu me e ketin inoukihong arail pahpa kahlap ako.

⁶Ni ahnsou me mehn Israel ko mweselsang Isip ohl koaros sirkumsaislahr. A ni rahn pahiseko me re kohkohseli nan sapwtehno, re sohte sirkumsaisihala neirail pwutak kan. Oh ni imwilahn sounpar ako, ohl koaros me kak mahwen ni ar mweselsang Isip, re melahr, pwehki arail sohte peikiong KAUN-O. Eri, nin duwen eh ketin kahukihla, KAUN-O sohte ketin mweidohng irail en kilang sahpw reken kepwe oh pwel mwahu me e ketin inoukihong arail pahpa kahlap ako.

⁷Ahpw neirail pwutak ko saikinte sirkumsaisla; eri ih dih kahpw wet me Sosua sirkumsaisihala.

⁸Mwurin sirkumsais wet eh imwisekla, tohn wehin Israel koaros koukousoan wasao lao arail ohla kan mwahula.

⁹Eri, KAUN-O ahpw ketin mahsanihong Sosua, “Rahnwet I kihsangehr kanamenek koaros en amwail kaliduhla nan Isip.” Eri, iei ih met kahrepen arail kahdanekihki wasao Kilkal, oh iei ede lel rahnwet.

¹⁰Eri, ni ahnsou me mehn Israel kan koukousoan nan Kilkal, nan wasa patapat limwahn Seriko, irail wia sarawien Pahsohpa nin soutik en eisek pahieun sounpwongo.

¹¹Mandahn rahnohte re kangehr kisin mwenge me poadidier nan Kenan: kohn me inihn, oh pilawa umw me sohte doal ihs.

¹²Mwurin met, mannao ahpw sohla mweredi. Eri, mehn Israel kan solahr kang manna; a sang ni ahnsowo kohla, irail uhd kang wahnsahpw akan en Kenan.

¹³Eri, ni ahnsou me Sosua karanih Seriko, e pwuriamweikihla eh kilangada ohl emen me kesikesihnen mwowe oh kol kedlahs pwoat. Sosua ahpw alulahng oh idek, “Kowe kisehn nait sounpei kan, de at imwintihti?”

¹⁴Ohlo ahpw sapeng, “So! I kodohng met pwe I en kaunda sounpeien KAUN-O.” Sosua eri poaridi oh pwongih, ahpw patohwanohng, “Iet ngehi, maing, sapwellimomwi ladu. Dahme komw ketin kupwurki I en wia?”

¹⁵Eri, kaunen sounpeien KAUN-O ahpw mahsanihong Sosua, “Kihsang omw suhten; pwe ke kesikesihnen pohn wasa sarawi.” Sosua eri kapwaiada mahsen en ohlo.