Read Poqomchi Ecl 11 Bible Online

Ecl 11 - Poqomchi bible

Ecl 11

¹Maa pixpuuj wach i chib'ih aweh, wilik la' i chasiij neenak'ul jilow pan jinaj q'iij.

²Eliik chawunej taqe i chib'ih aweh i tokoom, ruum ma' aweht'al taj chib'ih i ti' k'axik naa ruchaliik chinaah aatinamiit.

³Eh re' i suutz' noq i ruk'am chaloq i jab' chinaah i wach ak'al i ruyeew chaloq. Re' k'acharik xa je' rukab' i chee' inq'ehb'ik pansak'aaj, inq'ehb'ik pantz'eet reh i rookb'aal q'iij xa ar kahnik.

⁴Eh awach i rilow chi xk'uloq i teew ma' rub'an taj i tik. Awach i rilow chi xk'uloq i suutz' ma' rumol taj wach i rutik.

⁵Nik' wach noq ma' aweht'al taj i rub'an i teew, ma' aweht'al taj nik' wach noq i rutoq'aa' cho tz'uk'rik i ha'lak'uun ruuk' i rutuut. Je' wo' re' noq ma' aweht'al taj chib'ih taqe jariik i rub'an i Dios xtz'uhkrisanik chu'nchel i chib'ih i wilik.

⁶Re' hat cha tik awijaa' wahq'eq, eh nee wo' chik i naa tik xq'eq, ruum ma' aweht'al taj aha' wilik i nee nelik korik mi re' i neena tik peet oon re' i neenatik koq'uun oon nee wo' nelik korik chu'nchel.

⁷Korik wo' hoq chi q'e' holohik i k'acharik ayu' wach ak'al, eh q'e' holohik rilariik i q'iij saqum.

⁸Xa re' la' chik, atoob' ta re' i winaq neenk'acharik k'ih-oq haab', eh neerub'an rusuqkiil chu'nchel i chib'ih jariik, inchol runab'eem chi re' noq naa rub'aan kimik xama' xta ruk'am chaloq.

⁹K'ijool, neerub'an chi nee nach'ikaa' ak'ux panak'achariik ruuk' taqe i chib'ih inak'ax wach pan ak'ijolal. Eh re' q'oreel xa chib'ih paruq'or ak'ux i hat, eh chib'ih inak'ax wach rub'aan. Xa re' la' chanab'eej chi ruum taqe i naa a'nam re' re', naa ruq'atam q'orik cha naah i Dios.

¹⁰Je' re' noq chawisaj panawánima ik'aah, je' wo' rukapeb'jiik i xa chib'ih jariik, maayeew chi ti' k'axik ati'jolal ruum re' i k'ijolal xama' naj taj, eh xama' xta ruk'am chaloq.