Read Poqomchi Lam 5 Bible Online

Lam 5 - Poqomchi bible

Lam 5

¹QaJaaw Dios k'oloq tii cho panak'ux i ti' k'axik xqak'ul, ruum q'e' xkik'uhtaaj qak'ixb'ilaal.

²Eh re' taqe chib'ih qeh xkiq'uch i tokoom tinamit, eh xkiq'uch i qapaat.

³Xoj kahnik chi ma' xta ilil qeh, xa je' ma' xta qajaaw, re' taqe i qatuut xi kahnik chi je' kamnaq kib'ahiil.

⁴Re' i qahaa' inquk'ej xan qaloq' chik, eh re' i qasii' inqak'at xan qaloq' wo' chik.

⁵Re' taqe i ki-ixowanik qawach jinaj ahl laj ihq i xkiyeew chi qanaah, ma' qohi'lik ta chik kuum.

⁶Eh koxqapahqaaj chik chib'ih qeh kuuk' i aj Egipto, kuuk' i aj Asiria, xa je' chik re' noq xqa a'n qawa' qahaa'.

⁷Re' taqe i qamaam qati't ximahkunik chaloq. Eh re' chik i hoj k'ahchi' qatojwik wach i kimahk.

⁸Re' taqe i kimoso xkikoj chi taaq'anik chi qanaah. Eh ma' awach ta chik ineesanik qeh pan kiq'ab'.

⁹Re' taqe i kansan qeh xa aha' wilkeeb'. Xa yo'jik inqa a'n noq qohooj chusik'ariik i qawa'.

¹⁰Re' i qati'jolal xan qop chik inqik'raaj ruum i qanuhmiik, xa je' chik rukab' i rutz'a'iil i horna.

¹¹Re' taqe i aj ixowaal ar Sión, ar Judá xkichop taqe ixoq, je' wo' taqe kok' xq'un.

¹²Eh xkit'uyaa' chi kiq'ab' taqe i k'amal qab'eeh. Eh ma' xkiyeew ta rajaawriik taqe i mama' winaq.

¹³Eh re' taqe k'ijool wilik chik kaansil xkikoj chi ruke'jiik i trigo. Eh re' taqe i kok' ak'un xakiq'ehb'ik chik chi ri'sil i ahl laj sii' inye'arik chikiij.

¹⁴Ma' nilarik ta chik kiwach i mama' winaq panookb'al reh i tinamit. Eh re' taqe i k'ijolaq ma' kitz'uyinik ta chik.

¹⁵Eh re' hoj ma' qoh soninik ta chik. Re' i rusuqkiil qak'ux xsutinik chi ruti'kiil qak'ux.

¹⁶Xkesaj i qaloq'il, q'e' wo' chik ti' i k'ahchi' qak'ulum ruum ma' k'isiin i mahk qa'nam chaloq.

¹⁷Ruum taqe i ti' k'axik re' re' xan yot'ik chik i qanima, eh ma' q'e' ta chik saqum qoh ilwik.

¹⁸Eh re' taqe i wilik naq chinaah i yuuq' Sión xsacharik kiwach xa re' chik i yaak k'uul kiooj chinaah.

¹⁹Eh re' hat QaJaaw Dios chi juneliik naa awihiik chi reyil, eh chi juneliik naa awihiik chi taaq'anik chupaam aaye'aab'.

²⁰QaJaaw Dios ¿Mi xoj sahchik panak'ux re'? ¿Chib'ih reet noq naakooj akanaam chi qutkeel nik'-oq najtiil?

²¹Chakuy qoh ak'ul awuuk', nee wo' chik qoh sutinik awuuk'. Eh nee ta tii i nayeew qeh i suq laj k'acharik je' rukab' i pampeet.

²²QaJaaw Dios ¿Mi xoj akanaa' chi qutkeel chi jumpech re'? ¿Mi juneliik naa aye'em aajosq'iil chi qanaah re'?