Read Poqomchi 2 Kor 7 Bible Online

2 Kor 7 - Poqomchi bible

2 Kor 7

¹Hat taq loq'laj nuhermano, ruum chi ruq'orom rib'iral qeh i Dios taqe i wili. Inchol qakanaam chu'nchel i yiib' wach na'ojb'al inch'uwa'risanik wach i qati'jolal jumpa'liik, inch'uwa'risanik wach i qánima. Reh chi neenqayohleej i Dios, eh neenqareq qa santohiil chi manlik.

²Hermano, ma' ta naq nee qohsahchik taq panak'ux. Ruum re' hoj ma' awach ta taq aweh i qa'nam ti' k'axik reh, ma' awach taj i qayojom ruk'ux, eh ma' awach taj i qajot'om.

³Re' nuq'or taq reje aweh wili ma' re' ta ch'oolb'al taq aweh. Re' hin nuq'orom taq chaaweh pampeet, chi re' taq i hat ma' jaruuj taq neetisahchik pan wánima, atoob' ta ko k'achalkooj, atoob' ta hoj junkimiik taq awuuk'.

⁴Re' hin xti ch'iklik taq nuk'ux awuuk', re' taq i hat q'e' taq i nayeew runimaal wach nuk'ux ruuk' i nimanik taq k'ahchi' kaat. Atoob' ta xiik' naah i ti' k'axik inqak'ul, re' hin xa q'e' wo' suq nuk'ux, ruum re' taq i hat i nayeew taq ruman rukowiil nuk'ux.

⁵Re' hoj, xa re' wo' noq xojk'u'loq ayu' Macedonia, ma' xta k'isinoq rusuqkiil qak'ux wihinaq. Xa aha' yuuq' qoh-ooj xa re' ti' k'axik inqak'ul: Qoh kipletoheej taqe ma' re' ta aj nimaneel, eh inchalik wo' qayo'jiik pan qánima kuum.

⁶Eh re' Dios inye'wik rukowiil kik'ux taqe inyoj kik'ux. Re' reh xye'wik rukowiil qak'ux i hoj noq xk'u'loq quuk' i qahermano Tito.

⁷Eh ma' xata ruum i ruk'uliik iloq quuk' i Tito xsuuqb'ik qak'ux, ruum la' chi ruye'em chik ruk'ux chi nimanik awuum taq i hat. Re' reh xuk'utjaaj qeh chi q'e' b'ila' naq taq inawaaj awilom qawach, ti' b'ila' taq kinawik'raaj i hin, eh kapeew b'ila' taq i na a'n chi wiij. Ruuk' taqe xuq'or weh re' re', xuyeew ruman rusuqkiil nuk'ux.

⁸Atoob' ta xuyeew taq ruti'kiil ak'ux taqe i xnutz'ihb'aaj taq reje aweh pampeet, yu'naak ma' ti' ta chik inwik'raaj. Eh wila' ti' xwik'raaj cho pampeet, re' hin xnukoj rehtaal chi xama' q'e' ta najt xutib'isaj taq ak'ux.

⁹Yu'naak i hin suq chik nuk'ux, ma' ruum ta chi xuyeew taq reje ruti'kiil ak'ux. Suq la' nuk'ux, ruum xaq'asaj taq awiib' ree Dios chi korik ruum i ruti'kiil taq ak'ux xwihik. Re' taq i hat xa a'n taq rukuyariik i ti'kiil k'uxliis je' rukab' imponik chuwach i Dios, eh xakoj taq rehtaal chi ma' re' ta ti' ixqa a'n taq aweh.

¹⁰Re' rukuyariik i ruti'kiil k'uxliis je' rukab' imponik chuwach i Dios, inkamanik chi jalb'al wach i na'ojb'al, eh inkan i ko'lemb'al iib'. Eh ma' xta chik ruti'kiil k'uxliis inwihik, eh re' ruti'kiil kik'ux inwihik i ma' nkinimaj taj i Dios, pankimik kik'amariik ruum.

¹¹Ruum chi xakuy taq i ruti'kiil ak'ux xwihik je' rukab' imponik chuwach i Dios. Xatoq'aa' taq kapeew, xchalik taq aajosq'iil ruum i ma' holohik taj, xokik wo' taq ayo'jiik, eh xawaaj naq taq atoob'jiik. Eh xawaaj naq taq awilom nuwach, xayeew taq chutojariik ru mahk aj mahk. Ruuk' taq i xa a'n re' re', xak'uhtaaj taq chi ma' hat ta taq haa' chub'aan i mahk re' re'.

¹²Je' re' noq, ma' ruum taj i xb'anik ree mahk, eh ma' ruum taj i xb'anik reh i yiib' wach na'ojb'al xnutz'ihb'aaj taq reje aweh i huuj pampeet. Je' la' re' xnub'an, re' xwaaj i hin chi ruuk' i xnuq'or taq reje aweh, nee taq inak'uhtaaj chuwach i Dios chi re' taq i hat tikapeb'ik taq cho chiqiij.

¹³Ruuk' taq i xa a'n wili jinaj rusuqkiil k'uxliis chi qee hoj. Eh ma' xata re' wili i rusuqkiil qak'ux, xuyeew la' wo' rusuqkiil qak'ux noq xqilow chi re' Tito q'e' chik suq ruk'ux, ruum chawunchelaal taq xayeew cho ruman rukowiil ruk'ux chi nimanik.

¹⁴Re' hin nuq'orom wo' cho reh i Tito chi ch'iklik nuk'ux taq awuuk' ruuk' taq i nimanik. Ruuk' i re', ma' hin ta chukul q'orik xin kahnik chuwach. Wila' korik chu'nchel i qaq'orom taq chaaweh, iraaj ruq'orom chi korik wo' hoq i qaq'orom reh i Tito taq chawiij chi re' hoj ch'iklik qak'ux taq awuuk' i hat.

¹⁵Re' Tito yu'naak q'e' insuuqb'ik reje ruk'ux taq chawiij noq ink'ulik paruk'ux nik' wach noq xatnimanik taq chuwach chawunchelaal. Eh ink'ulik wo' paruk'ux chi xponik taq panaq'awach noq xooj k'oloq taq awuuk'.

¹⁶Re' hin q'e' insuuqb'ik nuk'ux i chi awuuk' taq i hat ch'iklik reje nuk'ux chi manlik.