Read Poqomchi Jos 12 Bible Online

Jos 12 - Poqomchi bible

Jos 12

¹Re' Moisés ruch'ihil taqe i aj Israel re' taqe i reey wili xkian reh re' taqe i wilkeeb' chupaam taqe i ye'aab' chi juntar chee nim ha' Jordán parelb'aal q'iij reje xtohq'ik reje chi chii' i nim ha' Arnón xponik ko waraa' i yuuq' Hermón, eh chu'nchel i ye'aab' Arabá imponik chucheel reje ireelb'aalq'iij.

²Re' Sehón kireey i aj amorreo patim naq Hesbón, re' ye'aab' ruchopom naah imponik ko Aroer, chi chii' i nim ha' Arnón, imponik kopanyejaal i k'ixkaab' ko chi chii' i nim ha' Jaboc, eh xponik ko aha' rutoq'aa' cho wii' i kiye'aab' taqe i riih rumaam i Amón, imponik panyejaal i ye'aab' Galaad.

³Eh i ruchop wo' naah haa' i wach k'ixkaab' wilik parookb'aal q'iij reje reh i nim ha' Jordán. Ar intohq'ik reje chi chii' i palaw Ceneret, eh imponik ko chi chii' i kamnaq palaw, imponik panyejaal i ruyuq'ul i tinamit Bet-jesimot, re' wilik reje pansak'aaj reh i rookb'aal q'iij re' wilik wii' i yuuq' Pisga.

⁴Eh xkian wo' reh i Og wilik chi reyil ar Basán re' re' kik'ulik i xi chalik chupaam i ye'aab' Refaim. Re' Og xpatinik ar Astarot, eh ar Edrei.

⁵Eh rub'an wo' taaq'anik chinaah i ye'aab' intohq'ik reje ruuk' i yuuq' Hermón, imponik ko chupaam i ye'aab' Salca, eh chu'nchel i ye'aab' Basán. Eh imponik kopan k'ula't reh i ye'aab' Gesur, eh re' Maaca imponik panyejaal i ye'aab' Galaad ruchopom naq naah i Sehón wilik naq chi reyil Hesbón.

⁶Re' Moisés ruch'ihil taqe i aj Israel xkian reh taqe i re'. Eh re' Moisés xuyeew taqe i ye'aab' re' re' keh i ju'jun ch'uq chi riih rumaam Rubén, ruch'ihil i riih rumaam i Gat, je' wo' hoq i yejaal i ch'uq i riih rumaam i Manasés.

⁷Re' Josué ruch'ihil taqe i aj Israel re' taqe i reey wili xkian reh re' wilkeeb' chupaam taqe i ye'aab' chi juntar chaloq i nim ha' Jordán parookb'aal reje i q'iij. Ar xtohq'ik reje chupaam i tinamit Baal-gad, wach k'ixkaab' Líbano, eh ruuk' i yuuq' Halac imponik ruuk' i ye'aab' Seir. Eh chu'nchel i ye'aab' xkichop naah i Josué xuch'aq keh i chi kich'uhqaal i aj Israel.

⁸Re' taqe i ye'aab' wilik paraxchee', re' i wach k'ixkaab' Jordán, re' taqe i wach salik reje ruuk' i ye'aab' chiq yuuq'. Eh re' taqe ye'aab' Neguev. Eh re' taqe ye'aab' re' re' keh naq taqe i aj heteo, taqe aj amorreo, taqe aj cananeo, taqe aj ferezeo, taqe i aj heveo, taqe i aj jebuseo.

⁹Re' taqe i reey xkisach wach re' taqe wili: Re' i reey ar Jericó, re' reey ar Hai wilik ma' najt ta ruuk' i Bet-el;

¹⁰re' reey ar Jerusaleem, re' reey ar Hebrón,

¹¹re' reey ar Jarmut, re' reey ar Laquis,

¹²re' reey ar Eglón, re' reey ar Gezer,

¹³re' reey ar Debir, re' reey ar Geder,

¹⁴re' reey ar Horma, re' reey ar Arad,

¹⁵re' reey ar Libna, re' reey ar Adulam,

¹⁶re' reey ar Maceda, re' reey ar Bet-el,

¹⁷re' reey ar Tapúa, re' reey ar Hefer,

¹⁸re' reey ar Afec, re' reey ar Sarón,

¹⁹re' reey ar Madón, re' reey ar Hazor,

²⁰re' reey ar Simron-merón, re' reey ar Acsaf,

²¹re' reey ar Taanac, re' reey ar Maguido,

²²re' reey ar Cedes, re' reey ar Jacneam, re' wilik paruyuq'ul i Carmelo,

²³re' reey ar Dor, re' reey ar pan tinamit Goim, re' wilik ar Gilgal.

²⁴Eh re' reey ar Tirsa, junlaj ru ka'winaq chi reey chu'nchel i xkisach wach i Josué ruch'ihil taqe i aj Israel.