Read Poumei Naga 2 VEMAITO 11 Bible Online

2 VEMAITO 11 - Poumei Naga bible

2 VEMAITO 11

¹Ahaziah vei pfü Athaliah nou puh nahpoutu sü thaire touyu ko hai choulou khaie, honapai nou veo vei kihikhamai hrülaiye southakhaio tea kharochi peire.

²Ana Ahaziah tupai veo Joram nahnaotu Jehosheba nou Ahaziah nahpoutu Joashye sü southalai tea buyu hinou veo nahpoutu maitao hrohinou poku loure. Honapai nou Joash ae puhye kikopeiyu mainaye sü zhibuh kide ali hi thoukhai loure, sübüa Athaliah hinou puhye sü poku loua puhye southalou more.

³Jehosheba nou puhye po arou koute hai Rathoki hinou pokuloua kikopeie ae süteile hi Athaliah nou teidei hai khasa-a nou hrüe.

⁴Ana po anai kousü napao Jehoiada nou maiye leve veo ki hinou peikho maitao ae reihkhao maitaoye Rathoki hi kupoa velou puhnou soulai tea tsüchoda-a buyu nasü Rathoki hinou puletaoye koa chaachou ali souloure ae puletao hi veo nahpoutu Joash sü ngaopeie.

⁵Puhnou haibüa puletao hi kharochi peie, “Neletao nou Soteithe zhou tave vah souyu phaki zha asü soukhai touyu hinou zha ali nou veo vei ki hinou kho-a bulai;

⁶ae neletao zha ali nou Sur vei Rokhubomü hinou la-a nou kholai alia zha asü hinou zha ali nanou rokhubomü khoyu maitao thailo nou kho-a nou bulo.

⁷Soteithe zhou me ahai nou vah soumoa buyu maitao nou Rathoki hinou veoye sü vuloure donou kho-a bulai.

⁸Neletao nou Veo Joash sü khoche paipaloua nou kholoulai ae puhnou tayu buh veishi hisü koa nou talo. Maita linoua puh hi nghikou louzü puhye sü southawo.”

⁹Peikho maitao hi napao Jehoiada nou paopeiyu thaifüa Soteithe zhou tave vah souyu maitao ae vah souloua tayu maitaoye sü napao Jehoiada hisü save-e.

¹⁰Napao Jehoiada nou reihkhao maitao hi veo David vei heung ae rü, rathoki hi khaitouyu khesü peiwure,

¹¹ae puletaoye panou khoche poloua Rathoki nghoujü hinou veoye vuloure donou kho-a buloure.

¹²Süthaisü Jehoiada nou nahtou Joash sü kijü sapa loure ae puh pei hi veo peiru sü rüpeiwure alia kabüa vedei sü kholai touyu larübvü nasü puh bah hi thoupeie. Süthaisü Joashye sü theadzü napeiwua puhye veo soure tea paosüpa peie. Maikhe mainou bah tao-a haibüa shura soua nou sha-e, “Veo sü hrüsho theo!”

¹³Veopfüpai Athaliah nou reihkhaomai ae maikhe mainou shura souyu paisü choulou khaie, honapai nou thashoa maisou nou vejüa buyu Rathoki hisü tuvere.

¹⁴Honapai nou veyu phaki, veo nou Rathoki hi taloure dekaphi hinou la-a buyu ae zhai thaifüa reihkhao maitao nou puhye kho-a buyu alia shabe nghouyu maitao nou veo sü sühao-a buyu ae maisou nou sahsho-a buyu sü ngaoloure. Athaliah nou puhvei sabanü paiphawua haibüa share, “Do ashi sü soure! Doashi sü soure!”

¹⁵Jehoiada nou Athaliah sü rathoki pehao hinou southa nümore, südonou puhnou reihmai peikhoyu maitao hi haibüa kharochi peie, “Hopaiye reihkhao soua buyu zha ahai kohisü sapalo ae maitalia honapaiye vupalai tea teyu mai-a koa nou southawo.”

¹⁶Puletao nou honapaiye sü nüloure ae puhye sü veo vei ki hi taloure Rhei vei Rokhubomü hinou southawure.

¹⁷Napao Jehoiada nou Veo Joash ae maikhe maitao alia MAPAO ye koa nou vo ali hai souloure, süolouzü puletao hai MAPAO vei mai soua bailai; alia veo ae maikhe maitao-a koa nou vo ali souloure.

¹⁸Süthaisü maikhe mainou Baal rathoki hisü veloua sünasü soushi laiwure; puletao nou posheelabu ae basharaitao hai dakho laire, ae Baal vei napao Mattan ye sü posheelabu nghoujü hinou southawure. Jehoiada nou reihkhaomai hai Rathoki hi-a khailoure.

¹⁹Süthaisü puh, peikho maitao, veo vei reihkhao souyu maitao ae veo vei ki khoyu maitao nou veoye sü khopoa nou veo vei fühao hisü savere, ae puletaoye sü maisou nou thaifü poa nou ta-e. Joash nou Reihkhao vei Rokhubomü hinou talouloua nou vebuh hisü kou buloure.

²⁰Mai hrülai nou asashore ae teidei sü kaonaphi toure, daiolouzü Athaliah sü veo vei fühao hinou southawure.

²¹Joash nou Judah hi pa po anai hinou veo souloue.