Read Poumei Naga 1 PUOPAOKO 20 Bible Online

1 PUOPAOKO 20 - Poumei Naga bible

1 PUOPAOKO 20

¹Taimou vuthouyu teile kinou veo mai khenou soureih soutawe, süphaki Joab nou reihmai sü saloua Ammon maivei teidei hi reih soure donou ta-e, anou Veo David louzü Jerusalem hinou bubaie. Puletao nou Rabbah nuhdu nasü reih hulou poloure alia soushi khaiwure.

²Ammon maivei bashara Molek teanou kuyu navei peirü hisü sana sühcho shiadai bue, ae sühisü chuh mutei shoyu-a ali bue, sünasü David nou poloua puhvei veo peirü hisü thouloue. Puhnou nuhdu sühinou muteiyu na khe-a taoli poloue.

³Puhnou nuhdu sühi hrüa buyu maikhesü nüloua panou süü va-e, hu ku-e alia marei poa vah sou-e. Nuh kukhe hinou hrüyu Ammon maitao-a David nou nüloua panou sübüa vah souwe. Süthaisü David ae puhvei maitao hai Jerusalem hi dakhai tare.

⁴Phajütou thaisü, Gezer hinou Philistin mai pei hi soureih soupu khaire. Hainasü Hushah hinou Sibbekai nou dushoyu maitya vanou hrüveyu Sippai-ye southaloue, ae Philistin maiye khasa-a buloure.

⁵Süthaia Philistin maiye soureih soupue, ae Jair nahpoutu Elhanah nou Gath puona Goliath thaihou Lahmi-ye southaloue. Maipou haina vei heung hai thou saoyu mai büa duwe.

⁶Reih kukhe ali-a Gath hinou sou-e. Sühisü dushoyu mai ali bue; puh hai bahtou arou ae phitou-a arou-rou pfüwe; phitou ae bahtao kaidai bue. Puh hai daoh raichoki mai dutya hinou hrüve-e.

⁷Puhnou Israel maiye ngaophou moa konüa buyu hinou David jürai Shammah nahpoutu Jonathan nou puhye southaloue.

⁸Dushoyu maitya haitao asü hai raichoki maidutya hinou hrüve-e; puletaoye David alia puhvei maitao nou southawure.