Read Poumei Naga 1 PUOPAOKO 27 Bible Online

1 PUOPAOKO 27 - Poumei Naga bible

1 PUOPAOKO 27

¹Mai haitao hai lavei khü hi peichamai, mai theli peikhoyu mai, ae mai kaihli peichoyu mai, ae vahbu adu hinou bua maime me soua buyu hi vah palou teitei zhupeia soupeiyu maitao-e. Maime haitao nou khouh tsü sü reirei nuh teidei khoyu vah sü soupeie. Zhipei khai touyu maime ali hinou mai 24,000 bue.

²Khouh khouh vei süthai-apei maitao zhih sü haitao-e: Khouh araina: Zabdeil nahpoutu Jashobeam (Puh hai Perez khü hinou veyu Judah mai-e) Khouh ahaina: Ahohi vei tyaosholea hinou hrüveyu Dodai (puh vei khenou peikhoyu soua Mikloth nou soukha peiwe). Khouh asüna: Jehoiada napao nahpoutu Benaiah. Puh hai “Mai Shirou” vei süthai-apeio nasüa soue. (Puh nahpoutu Amizzabad nou maime haina hi puh thaosü pa peikhowo sü souloue). Khouh adaina: Joab thaihou Asahel. (Puh nahpoutu Zebadiah nou puh vei thaosü pa peikhowo sü souloue). Khouh angouna: Shamhuth, puh hai Izhar vei khü hinou-e. Khouh arouna: Tekoa hinou veyu Ikkesh nahpoutu Ira. Khouh anaina: Pelon hinou Ephraim maipuona Helez nou-e. Khouh achana: Hushah hinou Sibbekai nou-e. (Puh hai Zerah maitya-e, ae süsü Judah mai-e). Khouh aküna: Benjamin khü hinou Anathoth nuh hi buyu Abiezer nou-e. Khouh kirouna: Netophah hinou hrüyu Malarai noue. (Puh hai Zerah khü hinou bue). Khouh kialin(...)

¹⁶Israel maitao khü pei khoyu peichomaitao sü haitao-e: Khü — [Peichomaitao] Reuben — Zikhri nahpoutu Eliezer Simeon — Maakah nahpoutu Shephatiah Levi — Kemuel nahpoutu Hashbiah Aaron — Zadok Judah — Elihu, puh hai veo David vei chinamai-e Issakar — Mikhael nahpoutu Omri Zebulun — Obadiah nahpoutu Ishmaiah Naphtali — Azriel nahpoutu Jeremoth Ephraim — Azaziah nahpoutu Hoshea Teinghi loulo Manasseh — Pedaiah nahpoutu Joel Teinghi palo Manasseh — Zekhariah nahpoutu Iddo Benjamin — Abner nahpoutu Jaasiel Dan — Jeroham nahpoutu Azarel

²³MAPAO nou Israel maiye teivu zhoua soupeilai tea paopeikhai touyu donou David veo nou po kai pamoyu maitaoye sü maipei phou moe.

²⁴Zeruiah pfüpai nahpoutu Joab nou Israel maipei phou-e, ana puhnou maipei phouche peimoe. Israel maipei phouyu donou Ramai nou Israel maiye tudee peie, südonou Israel mai hai kazhoutou busa touyu hai veo David vei larübvü hi rüthou moe.

²⁵Veo vei kini khesü Adiel nahpoutu Azmaveth nou khopeie, ae Uzziah nahpoutu Jonathan nou nuhdutao, nuh teidei ae reihkhaobu hi khaiyu kini khesü zhupeie.

²⁶Khelub nahpoutu Ezri nou dou hinou tatayu maitaoye khopeie.

²⁷Ramah hinou hrüyu Shimai nou darkha peida khesü zhupeie, Shipham puona Zabdi nou darkhadzü khaiyu buh sü zhupeie.

²⁸Geder puona Baal Hanan nou teinghi loulo buyu deichi hi oliv süübe ae bou (sycomor) süübe taosü kho-e. Joash nou oliv theadzü khaiyu buh sü zhupeie.

²⁹Sharon hinou khaitouyu kikhaorütao sü Shitrai nou zhupeie. Adlai nahpoutu Shaphet nou deikho hi buyu kikhaorütao sü zhupeie.

³⁰Ishmael puona Obil nou racho khesü zhupeiwe, Moronoth puona Jehdeiah nou rheisüh khesü zhupeie, ae Hagri puona Jaziz nou nghitu ae zhaotu khesü zhupeie.

³¹Mai haitao hrülai hai David veo vei nangi khesü zhua khopeie.

³²David puo thaihou Jonathan hai maiye peiphapei veishoyu ae larü hiloa süshoyu mai ali-e. Puh ae Hakhmoni nahpoutu Jehiel nou veo vei nahmaitaoye hasü doupeiwe.

³³Ahithophel nou veo-ye paodou peiwe, ae Arkhi puona Hushai nou veo vei samai ae sousava peiwe.

³⁴Ahithophel thaiyu thai, Benaiah ae Abiathar nahpoutu Jehoiada nou paodou-apei vahbu nasü thaoloue. Joab nou veo vei reihmaitao peikhopu nasü soue.