Read Poumei Naga 1 PUOPAOKO 9 Bible Online

1 PUOPAOKO 9 - Poumei Naga bible

1 PUOPAOKO 9

¹Israel mai hrülaiye sü puletao vei puopaoh maitao thaifüa zhih rükhai toue, ae sünasü Israel maivei Veomai Larübvü hi rüthoupei khaitoue. Judah hi mainou mahmo souyu donou Babilon hi nüpoa tare.

²Puletao vei teidei hi dakhai velou raikayu maitao hai Israel maisou, napao maitao, Levi maitao, ae Rathoki hi vah souyu maitao-e.

³Judah vei khü, Benjamin, Ephraim, ae Manasseh maitao nou Jerusalem hi velou hrüe.

⁴Judah vei khü hinou kiphao 690 hai Jerusalem hinou bue. Judah nahpoutu Perez vei tyaosholea hinou Omri vei tyao ae Ammihud nahpoutu Uthai nou puletao vei süthai-apeio nasü sou-e. Puhvei puopaoh kukhe maitao hai Imri ae Bani puhai-e. Judah nahpoutu Shelah vei tyaosholea maitaoye süthai-apeio hai Asaiah nou-e. Puhnou puhvei puonah maitao hi peikho na-e. Judah nahpoutu Zerah vei tyaosholea hi Jeul nou süthai-apeio sou-e.

⁷Benjamin vei khü hinou mai haitao hai Jerusalem hinou hrü-e: Meshullam nahpoutu Sallu, Sallu nahpoutu Hodaviah, puh nahpoutu Hassenuah: Jeroham vei nahpoutu Ibneiah; Mikhiu vei tyao Uzzi nahpoutu Elah; Shephatiah nahpoutu Meshullam, puh nahpoutu Reuel, puh nahpoutu Ibnijah.

⁹Khü haina hinou kiphao 956 hai nuhdu sühinou hrüe. Peikhai touyu mai zhih taonou lahkuku vei pfümounah hi peicho-e.

¹⁰Zhih rükhai touyu napao maitao hai Jerusalem hinou hrü-e: Jedaiah, Jehoiarib, ae Jakhin nahpoutu Azariah (Rathoki hi puhnou peichana-e), puhvei puopaoh maitao hai Meshullam, Zadok, Meraioth, ae Ahitub. Adaiah, Jeroham vei nahpoutu, puhvei paipaoh maitao hai Pashhur ae Malkhijah-a louwe. Adeil nahpoutu Mansai, puhvei puopaoh maitao hai Jahzerah, Meshullam, Meshillemith, ae Immer.

¹³Lahkuku vei puonah maitao hi peikhoyu napao maitao hai mai 1,760 bue. Puletao hai Rathoki vah haso souyu teitei hinou souveih shoyu maitao-e.

¹⁴Khelo nou zhih rüpei khaitouyu Levi maitao hai Jerusalem hinou hrüe: Hasshub vei nahpoutu Shemaiah, puhvei puopaoh maitao hai Azrikam, Hashabiah, ae Merari vei tyaosholea maitao; Bakbakkar, Heresh, ae Galal; Mika nahpoutu Mattaniah, puhvei puopaoh maitao hai Zikhri ae Asaph; Shemaiah nahpoutu Obadiah, puhvei puopaoh maitao sü Galal ae Jeduthum; Berekhiah, Asa nahpoutu ae Elkanah tyao, puletao nou Netophah maivei nuhdu hinou hrüe.

¹⁷Rathoki kho-a buyu mai haitao hai Jerusalem hinou hrüe: Shallum, Akkub, Talmon, ae Ahiman. Puletaoye Shallum nou süthai-apeio nasü soue.

¹⁸Puletao hai zhodo koute teinghi palova Veo vei Robomü kho-a bue. Raichokio louzü puletao hai Levi maivei fühao hi talouyu robomü sü kho-e.

¹⁹Ebiasaph vei tyao, ae Kore nahpoutu Shallum ae Korah puonah maitao nou raichoki puletao vei puopaoh maitao nou MAPAO vei fühao khoyu büa puletao nou MAPAO vei Sahpao sü khowe.

²⁰Eleazar nahpoutu Phinehas nou daoh vuli rokhubomü khoyu hisü peicho-e, ae MAPAO nou puhye kozho peie.

²¹Meshelemiah nahpoutu Zekhariah-a MAPAO nou buyu Sahpao vei robomü kho-e.

²²Robomü hi talouyu vei reihkhaomai dopakhai touyu mai hrülai sü 212. Puletao vei khü thaifüa nuh nuh hinou zhih sü rükhaitoue. Puletao vei puopaoh maitaoye vahbuh hainasü veo David ae rachipaolawo Samuel nou thoupeie.

²³Südonou puletao vei nahmai ae tyaomaitao nou MAPAO vei Rathoki hi talouyu vei romü khesü khowe.

²⁴Robomü hai kainghu adai hi teinghi palova, teinghi loulova, reilo ae khelo tea bue, ae sütao robomü chekhei hisü reihkhaomai peicha chekhei bue.

²⁵Reihkhaomai haitaoye sü puletao vei kityarai mai, nuh hinou buyu maitao nou tave puletao nou teithe anai anai hai reirei-a khoyu hisü soukha peiwe.

²⁶Reihkhaomai peicho adai taohai Levi mai-e, ae puletao nou Rathoki hi kide buyu tao ae süvei kini khesü zhupeiwe.

²⁷Puletao hai Rathoki nghia buwe, daiolouzü Rathoki khoyu ae shonatsü sü kikhu houyu hai puletao vei vah-e.

²⁸Levi mai kamai-a nou Rathoki hi poa vah souyu leekhao zhu-e. Puletao nou paikhao popa vah souyu ae podakhai thouyu teitei sü cho-a nou zhupeiwe.

²⁹Kukhe maitaoli nou Rathoki vei buh-zü, sheeyu natao, southou, darkhadzü, theadzü, poukai nüvei ae vusapou khesü zhure donou khaitoue.

³⁰Ana poukainüvei ae vusapou khesü pothou hrüyu hai napao maitao nou sou-e.

³¹Korah puonah maitao hinou Levi mai ali, Shallum nahpoutu naraio Mattithiah nou posheelayu raokhao hai souwe.

³²Kohath puonah maitao nou Soteithe zhou chüsü Rathoki hi poa rathore sheeyu raokhao hai soudayu vahbu nasü souwe.

³³Levi maitao hinou kamai kikhamai-a rathoki vei lou souyu hi loue. Puletao vei kihikha mai hi peichoyu maiye sü vah kukhe peimoe, daiolouzü puletao hai hea-khei sümoa vah bua baiwe, südonou puletao hai kamai-a nou Rathoki hinou hrüa bubaiwe.

³⁴Reilonou zhih peikhai touyu Levi maitao hai lahkuku vei puonah maitao hi peikhona-e, ae lahkuku vei puopaoh maitao thaifüa peikhaitou-e. Puletao hai Jerusalem hinou hrüyu süthai-apei maitao-e.

³⁵Jeiel nou Gibeon nuhdu nasü soushuloua sühinou hrüe. Puh chapfü zhih nou Maakah toue.

³⁶Puhvei nahpoutu naraio na zhih nou Abdon toue, ae puhvei nahpoutu kukhe maitao zhih sünou Zur, Kish, Baal, Ner, Nadab,

³⁷Gedor, Ahio, Zekhariah, ae Mikloth,

³⁸puhnou Shimeah puo-e. Puletao hai thaihou-jürai maitao koa nou nghia Jerusalem hinou hrüe.

³⁹Ner hai Kish puo-e, ae Kish nou Saul vei puo-e. Saul hai nahpoutu adai bue: Jonathan, Malkhishua, Abinadad, ae Eshbaal.

⁴⁰Jonathan hai Meribbaal puo-e, puhnou Mikah puo-e.

⁴¹Mikah hai nahpoutu adai bue: Pithon, Melekh, Tarea, ae Ahaz.

⁴²Ahaz nou Jarah puo-e, ae Jarah hai nahpoutu asü vei puo-e: Alemeth, Azmaveth, ae Zemri. Zimri hai Moza puo-e,

⁴³Moza nou Binea puo-e, Binea nou Rephaiah, Rephaiah nou Eleasah, ae Eleasah nou Azel puo-e.

⁴⁴Azel hai nahpoutu arou bue: Azrikam, Bocheru, Ishmael, Sheariah, Obadiah ae Hanan hai maitao-e.