Read Poumei Naga EZRA 10 Bible Online

EZRA 10 - Poumei Naga bible

EZRA 10

¹Ezra nou Ramai ki hinou veachi pao-a kra-a mah paopa buyu teile hi, Israel mai hrülai: naotu poutu ae nahmai, puletao mai hrülai nou puhye sühao poa bue; maikhe mai-a alao sou kra-e.

²Süthaisü, Elam vei tyao Jehiel nahpoutu Shekaniah nou haibüa Ezra hi paoe, “Etao nou Ramai chi zümoa vakou maipfüye nawure, ana haibüa buyuma Israel maiye donou khailoure ludu buhie.

³Chu nou Etao Ramai hinou Vo ali souloua vakou maipfüye nayu teitei alia nahmai hrülai hai seitawulai, MAPAO nou paoyu thaifüa alia Ramai ye piyu mainou paoyu na thaifüa Etao nou soulai. Haihai chikha na thaifüa soupeio.

⁴Souzü vah taosü soukhaio, daiolouzü haihai nenou soure vah-e, Etao-a neye koa zhopeilai; khouchilo, alia vah sü soukhaio.”

⁵Shekaniah nou paoyu na thaifüa Ezra nou süthai-apei, napaomai, Levimai alia mai hrülai nou paoyu na thaifüa soulai teanou koa chachao sü souwure.

⁶Süthaisü Ezra nou Rathoki hinou paloua Eliashib nahpoutu Jehohanan kihi loure, alia süzhou khei hai puhnou halia toumoa nüpoa tayu hinou dakhaive louyu maitao nou chilee moa mah souyu donou dopfüa bue.

⁷Jerusalem alia Judah teidei teitei hi nüpoa tayu hinou dakhai velouyu maitao hai Jerusalem hinou ve zülai tea ko seita-e,

⁸Mai taralia teithe asü levai nou veloulou more toulouzü, puh vei na buyu veishi hai kabailai, alia dakhai veyu me hi panou loulaimoe.

⁹Teithe asü levai hinou Judah alia Benjamin khü hai Jerusalem hi ve jüloure; süzhou hai khouh akü, khouh-kha kai-e. Puletao mai hrülai hai Rathoki pa hinou ve bue, maisou sü vejüyu hai vanou alia teirüyu donou ngure.

¹⁰Süthaisü napao Ezra nou lashuloua maikhemai hisü paoe, “Neletao nou chileemoa vakou maipfüye nayu donou Israel mah hai dupure.

¹¹Chuolouzü, MAPAO, neletao puopaoh Ramai hisü mah paopawo, alia puh jüpa soulo; neletao vakou mai hinou alia vakou maipfüye nayu hinou kutalo.”

¹²Maisou taonou paichi shoa chila peie, “Nenou paoyu teitei sü Etao nou soulai.

¹³Ana puhmaitao hai pouleyu donou ae tei rüshi leyu donou, Etao vakou lahlou hore. Süpei nou vah haina hai teithe ali-hai hinou soulouyu vah moe; daiolouzü soumah khaitouyu Etao hai mailao loure.

¹⁴Etao peikho maiye panou maisou thaosoua soupeia baio, alia nuh nuh hinou vakou maipfüye na-a buyu khemaiye sü panou teile ali paohloua dadelo ae lahla nuh hinou süthai peimai ae chiku-apeimai koa hai hi vepei-a baio, sübüa Etao hi Ramai vei rarou lekha nasü panou polaiwo.”

¹⁵Maili koutea haina hai bamoe, ana Asahel nahpoutu Jonathan ae Tikvah nahpoutu Jahzeiah, mai haina hai nou babaie, ae Levimai Meshullam ae Shabbethai nou puhai phao bobaie.

¹⁶Nüsa-a tayu hinou khaive louyu maitao nou haibüa vah sü souloure. Napao Ezra nou khü khü hinou süthai-apeimai dopaloua zhih rüloure. Khoukha kirou, teithe arai zhou hai puletao nou vah sü soutae.

¹⁷Alia khouh ngaoraiyu teithe raikaiyu nou puletao nou vakou maipfü nayu mai hrülai zhih hai phou paloue.

¹⁸Mai haitao hai vakou maipfü nayu maitao-e: Jozadak nahpoutu Jeshua vei tyaonah tao ae puh thaihou-jürai maitao hinou: Maaseiah, Eliezer, Jarib ae Gedaliah.

¹⁹Puletao nou puhtao chapfü maitao-e phawulai tiyu lelah loure, ae puletao mah donou zhaotu alili hai mah souyu vei posheelayu haisoue.

²⁰Immer tyaonah hinou: Hanani ae Zebadiah.

²¹Harim tyaonah hinou: Maaseiah, Elijah, Shemaiah, Jehiel ae Uzziah.

²²Pashhur sholya hinou: Elioenai, Maaseiah, Ishmael, Natanel, Jozabad ae Elasah.

²³Jozabad, Shimei, Kelaiah (süna hai Kelita), Pithahiah, Judah ae Eliezer.

²⁴Eliashib. Robomü khoyumai hinou: Shallum, Telem ae Uri.

²⁵Parosh vei tyaonah hinou: Ramiah, Izziah, Malkijah, Mijamin, Eleazar, Hashabiah ae Benaiah.

²⁶Elam tyaonah hinou: Mattaniah, Zekhariah, Jehiel, Abdi, Jeremoth ae Elijah.

²⁷Zattu tyaonah hinou: Elioenai, Eliashib, Mattaniah, Jeremoth, Zabad ae Aziza.

²⁸Bebai tyaonah hinou: Jehohanan, Hananiah, Zabbai ae Athlai.

²⁹Bani tyaonah hinou: Meshullam, Malluch, Adaiah, Jashub, Sheal ae Jeremoth.

³⁰Pahath-moab tyaonah hinou: Adna, Kelal, Banaiah, Maaseiah, Mattaniah, Bezalel, Binnui ae Manasseh.

³¹Harim tyaonah hinou: Eliezer, Ishijah, Malkijah, Shemaiah, Shimeon,

³²Benjamin, Malluch ae Shemariah.

³³Hashum tyaonah hinou: Mattenai, Mattattah, Zabad, Eliphelet, Jeremai, Manasseh ae Shimei.

³⁴Bani tyaonah hinou: Maadai, Amram, Uel,

³⁵Benaiah, Bedeiah, Keluhi,

³⁶Vaniah, Meremoth, Eliaship,

³⁷Mattaniah, Mattenai ae Jaasu.

³⁸Binnui tyaonah hinou: Shimai,

³⁹Shelemiah, Nathan, Adaiah,

⁴⁰Maknadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah ae Josef.

⁴³Nebo tyaonah hinou: Jeiel, Mattithiah, Zabad, Zebina, Jaddai, Joel ae Benaiah.

⁴⁴Mai haitao hai vakou maipfüye na-e, puletao nou chapfü ae nahmaitao noupu vakou seitawure.