Read Poumei Naga NEHEMIAH 10 Bible Online

NEHEMIAH 10 - Poumei Naga bible

NEHEMIAH 10

¹Ae-ao touyu chidei larüna hisü teidei khowo Hakaliah nahpoutu Nehemiah nou arai kasoua puhvei zhihshee rüpeie, ae süthai hai Zedekiah nou soupeie. Khelo peikhai touyu maitao-a soupeie:

²Seraiah, Azariah, Jeremiah, Pashhur, Amariah, Malkhijah, Hattush, Shebaniah, Malluch, Harim, Meremoth, Obadiah, Daniel, Ginnethon, Baruk, Meshullam, Abijah, Mijamin, Maaziah, Bilgai, ae Shemaia.

⁹Azaniah nahpoutu Jeshua, Henadad khü hinou Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shebaniah, Hodiah, Bani, ae Beninu.

¹⁴Parosh, Pahath Moab, Elam, Zattu, Bani, Bunni, Azgad, Bebai, Adonijah, Bigvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Magpiash, Meshullam, Hezir, Meshezabel, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim, ae Baanah.

²⁸Etao, Israel maitao, napao maitao, Levi maitao, Rathoki reihkhao souyu maitao, rathoki hi lou souyu maitao, rathoki hi vah souyu maitao, ae Ramai vei Chikha züa buyu mai hrülai nou Etao vei teidei hinou hrüa buyu vakou maitao hinou kuta loure, ae Etao vei maipfü maitao alia sükulou süyu nahmai hrülai loua nou

²⁹Etao nou Etao vei süthai-apei maitao koa Ramai vei Chikha, puhnou puhvei kilai Moses hi peikhai touyu thaifüa hülai, ae Etao MAPAO nou kharochi peikhai touyu teitei sü zülai, hakinou Etao nou pfüphe pfüpho louzü puhvei chaa nasü panou Etao pei hi vetheo tea chaachou souloure.

³⁰Etao vei teidei hinou hrüa buyu vakou maiye koa nghisha souzho laimoe.

³¹Vakou mainou Etao hi Soteithe zhou moa sheeyu teithe tarali hinou thoudzü moa na taralia pove zho peiyuma Etao nou hülai moe.

³²Po patsü hai Etao mai alili nou shahu gram angou hai Rathoki hi poa vah soure donou peilai.

³³Rathoki hi poa rathore donou na haitao hai Etao nou peilai: sheeyu raokhao, teithetsü poa sheelayu thou, teithetsü poa meidei-a posheelare kikhaorü, Soteithe zhou poa sheelare natao, Khouh Ashu vei Khonüh hi ae khonüh kukhetao hi posheelare natao, shee-a posheelare na kukhetao, Israel maivei mahmo khesü poa tare donou posheela peiyu natao, alia Rathoki hinou poa vah soure na taralia Etao nou peilai.

³⁴Etao maisou, napao maitao, ae Levi maitao koa nou Chikha thaifüa Etao Ramai MAPAO hi posheela peiyu na khesü meideire süü hai thaovei khü nou peilai touyu hai rako zhuloua zhipeiwe.

³⁵Po patsü hai Etao nou chachilou raikayu thou, meirai kayu shinamara taosü Rathoki hi pove sheela peilai.

³⁶Chikha larübvü hi rükhai touyu thaifüa nah narai nasü Rathoki hi pove napao maitao hinou Ramai hi peithoulai. Etao nou chokü tou toukou raikayu chotoutu, alia nghitu moa zhaotu tourai kayu nasü Ramai hi pove peilai.

³⁷Po patsü Etao nou Rathoki hi buyu napao maitaoye potei hi ngaolou raikayu thouthou nou souyu raokhao, zhaoh, oliv theadzü, alia shinamara teitei hai pove peilai. Etao vei nuh teidei hinou taith poa buyu Levi maitao hisü Etao nou Etao vei teidei hinou ngaolouyu zha kirou hinou zha ali hai pove peilai.

³⁸Aaron vei tyaosholea hinou hrüveyu napao maitao nou taith pojüyu Levi maitaoye koa bulai, ae Levi maitao nou taith vei zha kirou hinou zha ali hai rathoki vei kini khaiyu ki hisü pove thoulai.

³⁹Israel maisou alia Levi mai noupu puletao vei zhaoh ae theadzü hai napao maitao, Rathoki khoyu maitao, ae lou souyu maitao nou buyu Rathoki vei kini khaiyu ki hisü pove peilai. Etao nou Ramai vei ki nasü tarasoua nou thaongai laimoe.